Ampatuan muling nahalal na lider sa ARMM - Comelec
08/13/2008 | 09:44 PM
MANILA – Idineklarang panalo ng Commission on Elections nitong Miyerkules sa katatapos na halalan sa Autonomous Region in Muslim Mindanao (ARMM) si re-elected Governor Zaldy Ampatuan matapos makuha ang mahigit 90 porsyento ng boto.
Nagwagi rin ang running-mate ni Ampatuan na si re-electionist Vice Governor Ansaruddin Adiong, na nakakuha ng 1,011,791 boto, ayon sa Comelec.
Si Ampatuan ay nakalikom ng 1,017,179 boto o katumbay ng 93.06 porsyento ng kabuuang 1,307,117 bumoto sa ARMM polls.
Tinalo niya ang anim na iba pang kandidatong gobernador kabilang na ang nakapiit na si Indanan, Sulu Mayor Alvarez Isnaji.
Si Isnaji (independent) ay malayong pangalawa na nakakuha lamang ng 22,446 boto. Sumunod dito sina Ali Omar (independent) na may 16,902 boto; Guimid Matalam (Pwersa ng Masang Pilipino), na nakakuha ng 15,283 boto; Jupakar Arabani (independent), may 11,648 boto; Ismail Ibrahim (independent), nakakolekta ng 7,223 boto; at Ahmad Nooh (independent), may 2,280 boto.
Sa panayam ng media matapos ang proklamasyon sa tanggapan ng Comelec, sinabi ni Ampatuan na magiging prayoridad niya ang security at peace and order sa rehiyon.
Dapat din umanong konsultahin ang mamamayan kaugnay sa mga plano na lawakan ang sakop ng ARMM.
"Dapat me consultation, more consultation para mas malinaw sa kanila if ever, ano ang advantages at disadvantages kung sakaling masakop sila ng ARMM," paliwanag ng gobernador.
Nanawagan din siya sa Moro Islamic Liberation Front na talakayin sa pamahalaan ang mga usapin na nais nilang bigyan ng pansin.
"Dapat pag-usapan ang mga problema upang magkaroon ng tunay na kapayapaan sa rehiyon ng Mindanao. Hindi pwedeng idaan sa dahas ang pamamaraan, lalong hindi tayo magkakaintindihan," ayon kay Ampatuan.
Bagong assemblymen
Kasabay nito, iprinoklama na rin ng Comelec ang mga bagong halal na assemblymen ng ARMM batay sa bilangan sa provincial board of canvassers.
Sa Shariff Kabunsuan ay sina Roonie Quesada Sinsuat (Lakas-CMD); Cahar Pendat Ibay at Abdulradzak Dagalangit Tomawis.
Sa Tawi-Tawi ay sina Rejie Maguiso Sahali (Lakas-CMD); Mustapha Joe Omar (Independent); at Nur-Mahadil Kingking Ahaja.
Sa Basilan ay sina Rajam Mutamad Akbar (Independent); Nasser Amin Asarul (Independent) at Juhan Sabbihi Hataman (Nacionalista Party).
Nanalo naman sa Maguindanao sina Umbrah Ampatuan Datumanong; Khadafeh Gaguil Mangundadatu at Pike Terando Mentang.
Sa Sulu ay idineklarang panalo sa 1st district sina Nivocadnezar Talib Tulawie; Rizal Ansong Tingkahan Jr at Nahil Maldisa Hadjail (5,4871). Sa 2nd district ay sina Benshar Sali Estino; Naushurper Tulawie Daud; at Abdel Angkula Anni.
Nagwagi naman sa Lanao del Sul sina Jeha Racman Alonto Adioing, Samer Umpar Makil at Suhalya Maniri Salic para sa 1st district. Sa 2nd district ay namayani sina Rasmia Romato Salic, Balindong Alonte Yasser, at Alexander Boloto Malawani. - GMANews.TV
Nagwagi rin ang running-mate ni Ampatuan na si re-electionist Vice Governor Ansaruddin Adiong, na nakakuha ng 1,011,791 boto, ayon sa Comelec.
Si Ampatuan ay nakalikom ng 1,017,179 boto o katumbay ng 93.06 porsyento ng kabuuang 1,307,117 bumoto sa ARMM polls.
Tinalo niya ang anim na iba pang kandidatong gobernador kabilang na ang nakapiit na si Indanan, Sulu Mayor Alvarez Isnaji.
Si Isnaji (independent) ay malayong pangalawa na nakakuha lamang ng 22,446 boto. Sumunod dito sina Ali Omar (independent) na may 16,902 boto; Guimid Matalam (Pwersa ng Masang Pilipino), na nakakuha ng 15,283 boto; Jupakar Arabani (independent), may 11,648 boto; Ismail Ibrahim (independent), nakakolekta ng 7,223 boto; at Ahmad Nooh (independent), may 2,280 boto.
Sa panayam ng media matapos ang proklamasyon sa tanggapan ng Comelec, sinabi ni Ampatuan na magiging prayoridad niya ang security at peace and order sa rehiyon.
Dapat din umanong konsultahin ang mamamayan kaugnay sa mga plano na lawakan ang sakop ng ARMM.
"Dapat me consultation, more consultation para mas malinaw sa kanila if ever, ano ang advantages at disadvantages kung sakaling masakop sila ng ARMM," paliwanag ng gobernador.
Nanawagan din siya sa Moro Islamic Liberation Front na talakayin sa pamahalaan ang mga usapin na nais nilang bigyan ng pansin.
"Dapat pag-usapan ang mga problema upang magkaroon ng tunay na kapayapaan sa rehiyon ng Mindanao. Hindi pwedeng idaan sa dahas ang pamamaraan, lalong hindi tayo magkakaintindihan," ayon kay Ampatuan.
Bagong assemblymen
Kasabay nito, iprinoklama na rin ng Comelec ang mga bagong halal na assemblymen ng ARMM batay sa bilangan sa provincial board of canvassers.
Sa Shariff Kabunsuan ay sina Roonie Quesada Sinsuat (Lakas-CMD); Cahar Pendat Ibay at Abdulradzak Dagalangit Tomawis.
Sa Tawi-Tawi ay sina Rejie Maguiso Sahali (Lakas-CMD); Mustapha Joe Omar (Independent); at Nur-Mahadil Kingking Ahaja.
Sa Basilan ay sina Rajam Mutamad Akbar (Independent); Nasser Amin Asarul (Independent) at Juhan Sabbihi Hataman (Nacionalista Party).
Nanalo naman sa Maguindanao sina Umbrah Ampatuan Datumanong; Khadafeh Gaguil Mangundadatu at Pike Terando Mentang.
Sa Sulu ay idineklarang panalo sa 1st district sina Nivocadnezar Talib Tulawie; Rizal Ansong Tingkahan Jr at Nahil Maldisa Hadjail (5,4871). Sa 2nd district ay sina Benshar Sali Estino; Naushurper Tulawie Daud; at Abdel Angkula Anni.
Nagwagi naman sa Lanao del Sul sina Jeha Racman Alonto Adioing, Samer Umpar Makil at Suhalya Maniri Salic para sa 1st district. Sa 2nd district ay namayani sina Rasmia Romato Salic, Balindong Alonte Yasser, at Alexander Boloto Malawani. - GMANews.TV
