'Ultra tragedy' ginunita; Hustisya lumalabo, ayon sa VACC
02/04/2009 | 05:03 PM
MANILA – Ginunita ng mga pamilya ng mga naging biktima ng tinaguriang “Ultra stampede" tragedy nitong Miyerkules ang malagim na aksidente sa PhilSports Arena sa Pasig City na naganap noong 2006 kung saan 71 tao ang nasawi.
Sa ulat ng GMA’s Flash Report, sinabing dumalo rin sa pagtitipon ang mga miyembro ng Volunteers Against Crime and Corruption (VACC).
Nakasuot ng itim na damit, nagsindi ng kandila at nag-alay ng bulaklak at panalangin ang mga dumalo sa pagtitipon para sa mga namatay sa naganap na tulukan noong Feb. 4, 2006.
Matatandaan na tinatayang 30,000 tao ang nagtungo sa PhilSports Arena nang araw na iyon para sumali sa pakontes ng noontime show na "Wowowee" ng ABS-CBN.
Nauwi sa trahedya ang dapat sanang masayang anibersaryo ng programa nang ihayag ng nag-organisa na hindi lahat ng tao ay makapapasok sa arena. Kasunod na nito ang pag-uunahan at tulakan ng mga tao kung saan marami ang naipit at nadaganan.
Sa paggunita ng trahedya nitong Miyerkules, pinuna ni VACC chairman Dante Jimenez na tila lumalabo na ang pag-asa ng mga biktima na makakuha ng hustisya sa paglipas ng mga taon.
Sinabi ni Jimenez mabagal ang pag-usap sa kasong reckless imprudence resulting in homicide and physical injuries na isinampa nila laban sa 16 opisyal ng ABS-CBN.
Inalis naman ng Department of Justice sa asunto ang host ng programa na si Willie Revillame dahil wala naman umano itong pananagutan sa naganap na aksidente.
Lumitaw sa imbestigasyon ng Task Force Ultra at National Bureau of Investigation na may probable cause o basehan para isampa ang kasong kriminal laban sa mga isinakdal.
Noong Enero 2008, nagpalabas ng desisyon ang Korte Suprema upang ibasura ang mosyon ng ABS-CBN na kumukwestyon sa resulta ng paunang imbestigasyon ng DOJ. - GMANews.TV
Sa ulat ng GMA’s Flash Report, sinabing dumalo rin sa pagtitipon ang mga miyembro ng Volunteers Against Crime and Corruption (VACC).
Nakasuot ng itim na damit, nagsindi ng kandila at nag-alay ng bulaklak at panalangin ang mga dumalo sa pagtitipon para sa mga namatay sa naganap na tulukan noong Feb. 4, 2006.
Matatandaan na tinatayang 30,000 tao ang nagtungo sa PhilSports Arena nang araw na iyon para sumali sa pakontes ng noontime show na "Wowowee" ng ABS-CBN.
Nauwi sa trahedya ang dapat sanang masayang anibersaryo ng programa nang ihayag ng nag-organisa na hindi lahat ng tao ay makapapasok sa arena. Kasunod na nito ang pag-uunahan at tulakan ng mga tao kung saan marami ang naipit at nadaganan.
Sa paggunita ng trahedya nitong Miyerkules, pinuna ni VACC chairman Dante Jimenez na tila lumalabo na ang pag-asa ng mga biktima na makakuha ng hustisya sa paglipas ng mga taon.
Sinabi ni Jimenez mabagal ang pag-usap sa kasong reckless imprudence resulting in homicide and physical injuries na isinampa nila laban sa 16 opisyal ng ABS-CBN.
Inalis naman ng Department of Justice sa asunto ang host ng programa na si Willie Revillame dahil wala naman umano itong pananagutan sa naganap na aksidente.
Lumitaw sa imbestigasyon ng Task Force Ultra at National Bureau of Investigation na may probable cause o basehan para isampa ang kasong kriminal laban sa mga isinakdal.
Noong Enero 2008, nagpalabas ng desisyon ang Korte Suprema upang ibasura ang mosyon ng ABS-CBN na kumukwestyon sa resulta ng paunang imbestigasyon ng DOJ. - GMANews.TV
