Pagpagwa sang Paglaum Fund wala sang paglaum
03/26/2009 | 03:49 PM
ILOILO CITY, Philippines - Wala sang paglaum para sa Paglaum Fund nga mapagwa subong nga tuig, suno kay Dr. Raul Banias, Presidential Assistant for Western Visayas.
Suno kay Banias, pending pa sa Senado ang bill nga naga-unod sang P8 bilyones para sa rehabilitasyon sang rehiyon sa halit nga gindala ni bagyo Frank sang nagligad nga tuig.
Nakapasar sa lower House ang amo nga panukala. Ka-upod sang bill nga pending sa mataas nga panalgan ang Simplified Net Income Tax Scheme (SNITS) nga amo ang pagakuhaan sang pundo.
Bangud wala sang kwarta, ang tanan nga ginguba sang bagyo Frank ang indi man makay-o subong nga tuig.
May mga lugar gani nga kon indi mapa-idalom sa rehabilitasyon kag maagyan liwat sang kalamidad, mahimo na madula sa mapa.
Kaangut sini, nagahingyo si Banias sa Malakanyang bisan P1.8 biloynes na lang anay.
Makapila nga bes nga nagpakigsapol sa mga opisyal sang Palasyo si Banias kag ang pila ka lideres sang Iloilo.
Natalana man ini magpakigkita sa Presidente para mapresentar ang sitwasyon sang Iloilo. - Ratsada
Suno kay Banias, pending pa sa Senado ang bill nga naga-unod sang P8 bilyones para sa rehabilitasyon sang rehiyon sa halit nga gindala ni bagyo Frank sang nagligad nga tuig.
Nakapasar sa lower House ang amo nga panukala. Ka-upod sang bill nga pending sa mataas nga panalgan ang Simplified Net Income Tax Scheme (SNITS) nga amo ang pagakuhaan sang pundo.
Bangud wala sang kwarta, ang tanan nga ginguba sang bagyo Frank ang indi man makay-o subong nga tuig.
May mga lugar gani nga kon indi mapa-idalom sa rehabilitasyon kag maagyan liwat sang kalamidad, mahimo na madula sa mapa.
Kaangut sini, nagahingyo si Banias sa Malakanyang bisan P1.8 biloynes na lang anay.
Makapila nga bes nga nagpakigsapol sa mga opisyal sang Palasyo si Banias kag ang pila ka lideres sang Iloilo.
Natalana man ini magpakigkita sa Presidente para mapresentar ang sitwasyon sang Iloilo. - Ratsada
