Iza Calzado not keen on posing sexy in men's mag

Loveless, and yet happy ang GMA-7's "All About Eve" star na si Iza Calzado. "It's good, I'm happy. I'm always filled with love kahit walang boyfriend," umpisang pahayag ni Iza sa PEP (Philippine Entertainment Portal). Kahit nga kasi break na sila ng non-showbiz boyfriend niyang si Jerry Garcia, nananatili pa rin silang magkaibigan. Last Wednesday night, dumaan pa si Iza sa presscon ng The Speaks, ang bandang mina-manage ni Jerry na may series of shows ngayon sa Pilipinas. Nagkataon daw kasing nasa EDSA Shangri-La si Iza at katatapos lang mag-work nang napag-alaman niyang dun din ang presscon ng band ni Jerry. Kaya dumaan na siya at bumati bilang suporta sa grupo, pati na rin siyempre sa kanyang ex-boyfriend. Which shows na all-out pa rin ang support ni Iza kay Jerry kahit hiwalay na sila. "Oo naman. Good friends pa rin naman kami." Hindi raw naman mahirap na kahit break na sila ay nananatili silang magkaibigan. Sinabi ni Iza kung ano ang sikreto sa maganda pa rin nilang pagtitinginan bilang magkaibigan ng dating boyfriend. "Open-mindedness, and a lot of respect for each other and of course love. Ang love naman will be there forever, di ba? "Ako may certain love ako for you, may certain love ako para sa kanila, for other people, for people I dated in the past. Siguro right now the kind of love that we have for each other is probably not the kind na pang-boyfriend-girlfriend." Sa scale of 1 to 100 percent may chance pa ba na magkabalikan sila ni Jerry? "There will always be a chance, pero let's not rate it kasi pangit, e. Kung tatanungin mo sa akin ngayon kung ano ang chance between 1 to100%, sa ngayon hindi ko pa alam." Ano nga ba ang tunay na dahilan ng hiwalayan nila? "Huwag na lang nating pag-usapan, never ko namang sinabi sa mga interviews sa akin ang tunay na reason, sa amin na lang siguro yun.," pakiusap ni Iza sa PEP. "I would like that part or detail na private, na sa amin na lang." Kailan siya ulit magiging handa para magmahal? "Diyos ko, wala namang ready-ready yata sa ganyan. Kahit hindi ka ready, darating 'yan kung darating." So lagi ba siyang ready? "Hindi naman sa laging ready, para ka namang karinderia na bukas sa lahat ng gustong kumain!" tawa pa ng tawang reaksyon ni Iza. Inamin ni Iza na nakikipag-date siya ngayon. "Yes, non-showbiz siya. Hindi talaga ako lapitin ng showbiz... I love it! "Basta we go out, pero ayoko na lang pag-usapan." NO TO SEXY MEN'S MAGAZINES. Kailan makikita ng publiko, lalo na ng mga kalalakihan, si Iza sa cover ng FHM, ang sikat na men's magazine? "Hindi ko alam. In other magazines probably, pero I don't know about FHM." Bakit naman tila nagdadalawang-isip siyang mag-pose for FHM? "I don't know... we'll see, mamaya baka kainin ko mga sinabi ko. In other magazines... I might do other things but not for FHM." Nagbanggit pa ng dalawang men's lifestyle magazine si Iza na puwede pa niyang labasan, pero talagang may worry siya kung sa FHM at iba pang sexy men's magazine siya lalabas. "Kasi my endorsements... I mean what would Nestle say about my yogurt ad if I posed for FHM? I mean you have to consider these things." Nakasaad pala sa mga endorsement contracts ni Iza na hindi siya puwedeng magpaseksi sa kahit na anong pictorial. "Yes, it's in my contract. Kasi nung kinuha nila ako, hindi ako naggaganun, so, I don't know if they will allow me. Siguro kapag nagpaalam ako... I don't know. "Pero wala pa namang pangyayari na nagpaalam ako, kasi hindi ko rin naman gagawin sa ngayon, kaya hindi naman ako nagpapaalam, hindi ko rin alam." IZA'S SEXIEST MEN. Tinanong ng PEP si Iza kung sino ang limang pinakaseksing local male celebrities para sa kanya, at ang mga ito (in random order) ay sina Robin Padilla, Piolo Pascual, Jericho Rosales, Derek Ramsay at si Dingdong Dantes. "Si Piolo, just because he is... he worked hard for his body, apart from his face, and Jericho is also sexy. Robin is sexy; he has a lot of sex appeal. Of course si Derek, hunk, di ba? "Si Dingdong, hindi ko naman siya kakalimutan ihuhuli ko talaga siya. Siya yung 3rd sexiest male in the world, di ba? I find Dingdong's lips very attractive, very sexy." - Philippine Entertainment Portal