Nagpahintulot sa bumagsak na Bell-412 na lumipad dapat imbestigahan - Biazon

MANILA – Nais ng isang kongresista na alamin ng mga imbestigador kung may pananagutan ang nagbigay ng pahintulot na lumipad ang bumagsak na presidential chopper sa kabundukan ng Ifugao na ikinasawi ng pitong tao noong nakaraang linggo. Inihayag ito ni Muntinlupa City Rep. Ruffy Biazon nitong Biyernes matapos ideklara ng mga imbestigador na masamang lagay ng panahon ang pinapaniwalaang dahilan ng malagim na aksidente. Ayon sa mambabatas, dapat ipagpatuloy ang imbestigasyon para malaman kung mayroon dapat managot kung bakit pinayagang lumipad ang Bell 412 kahit alanganin ang lagay ng panahon at papalubog na ang araw. “The report of the PAF Aircraft Accident Investigation Board saying that bad weather was the cause of a Presidential chopper's crash may not be the only angle that should be looked into. Investigators may also have to look into whose responsible in allowing or ordering the chopper to fly at that time," ayon kay Biazon, vice chairman ng House committee on national defense. Nasawi sa naturang trahedya sina Press Undersecretary Jose Capadocia, Presidential Management Staff (PMS) Undersecretary Marilou Frostrom, Brig. Gen. Carlos Clet, PMS assistant director Perlita Bandayanon, pilot Maj. Rolando Sacatani, co-pilot Capt. Alvin Alegata, tauhan ni Clet na si Quarter Master 3rd Class Demy Reyno, at Sgt. Roe Gem Perez. Sinabi ni Biazon na mahigpit na ipinagbabawal sa Loakan airport ang lumipad kapag hapon dahil sa pabago-bago ang panahon sa lugar. “It is common knowledge that is a practice not to allow flights to take off from Loakan airport in the late afternoon precisely because weather turns bad at that time of the day," aniya. “It must be determined if policies and procedures were violated by that flight and who is responsible for any violation. Further, policies and procedures should be put into place if there are none," idinagdag ng kongresista. - GMANews.TV