Filtered By: Topstories
News

DOH 7: 2 nagpositibo sa A(H1N1) virus sa Sugbo


CEBU CITY Philippines - Gikumpimar sa Department of Health Region 7 (DOH 7) nga duha ang nagpositibo sa A(H1N1) virus sa Sugbo. Usa ka 13-anyos nga batang lalaki ug usa ka 1 year old nga masusong babaye ang mga gitakbuyan. Gipahibaw Huwebes sa hapon sa DOH 7 ang balita nga miabot na gyud sa Cebu ang gikabalak-ang Influenza A(H1N1). Matud sa DOH, gikan sa Estados Unidos ang kapin sa usa ka tuig nga masuso samtang gikan sa Hong Kong ang 13-anyos nga batang lalaki. Anaa na sa maayong panglawas ang batang lalaki apan ang masuso aduna gihapoy flu. Lakip sa gi-isolate mao ang mga ginikanan sa mga bata. Padayon ang gipahigayon ng contact tracing sa DOH 7 - sama sa gikasakay sa mga pasyente sa eroplano. Susihon usab ang kasilinganan diin magpuyo ang mga pasyente. Apan nagdumili ang DOH sa pagbutyag sa ngan hospital diin gi-isolate ang mga pasyente. Ilang gitino nga dili pa angayang mabalaka ang publiko tungod kay wa kini makatukod sa palibot. - Balitang Bisdak
LOADING CONTENT