Erap iniwan ng spokesman, lumipat kay Villar
06/04/2009 | 09:33 PM
MANILA – Matapos aminin na nahihirapan siyang pag-isahin ang oposisyon, kumalas kay dating Pangulong Joseph Estrada ang tagapagsalita ng United Opposition (UNO) at lumipat sa Nacionalista Party (NP) ni Senador Manny Villar.
Pormal na nanumpa sa NP nitong Huwebes si Atty. Adel Tamano, anak ng dating senador na si Mamintal Tamano at civic leader Hadja Putri Zorayda Abbas Tamano.
“My family has deep roots in the Nacionalista Party and part of what I am doing is to honor my late father and continue his work as a Nacionalista," ayon kay (Adel) Tamano.
“Likewise, I have to make a stand as to who should be president in 2010: It is Sen. Manny Villar. Our biggest problem in the country is poverty and it will take someone who has really experienced poverty to redeem us out of it. That is why I choose him," idinagdag niya.
Kasama ni Tamano na nanumpa sa NP ang negosyanteng si Arsenic Laurel. Pinangunahan mismo ni Villar ang oath-taking sa makasaysayang Laurel House sa Shaw Boulevard, Mandaluyong City.
Aminado si Tamano na inaasahan niya na makakasama siya sa mga magiging pambato sa Senado ng NP sa 2010 elections. Ilalaban naman si Laurel sa pagka-kongresista sa ikatlong distrito ng Batangas na hawak ni Rep. Victoria Reyes na kasapi ng Lakas-Kampi-CMD.
Sinabi naman ni Villar na malaking kontribusyon sa partido si Tamano na magsisilbing kinatawan ng mga kabataan mula sa Mindanao.
“Mahalaga ang ating mga kababayan sa Mindanao, pati ang mga kabataan ay mabigyan ng representasyon. Kaya ang pagpasok ni Adel ay isang welcome development at ipinagmamalaki ng partido. Naniniwala akong marami pang darating gaya ni Adel na makikita ang magandang adhikain ng partido," ayon sa senador.
Spokesman lang
Minaliit naman ni Estrada ang paglipat ni Tamano sa NP na tinawag niyang “spokesman lang" ng UNO at walang sensitibong posisyon sa partido.
"Wala namang bagay sa opposition. ‘Di naman opisyal si Mr. Adel Tamano, siya ay spokesman lang, ‘di siya member ng executive committee," pahayag ni Estrada sa panayam ng isang himpilan ng radyo.
Hindi umano ka-level ni Tamano sina Makati City Mayor Jejomar Binay o dating Sen. Ernesto Maceda na kapwa miyembro ng executive committee. - GMANews.TV
Pormal na nanumpa sa NP nitong Huwebes si Atty. Adel Tamano, anak ng dating senador na si Mamintal Tamano at civic leader Hadja Putri Zorayda Abbas Tamano.
“My family has deep roots in the Nacionalista Party and part of what I am doing is to honor my late father and continue his work as a Nacionalista," ayon kay (Adel) Tamano.
“Likewise, I have to make a stand as to who should be president in 2010: It is Sen. Manny Villar. Our biggest problem in the country is poverty and it will take someone who has really experienced poverty to redeem us out of it. That is why I choose him," idinagdag niya.
Kasama ni Tamano na nanumpa sa NP ang negosyanteng si Arsenic Laurel. Pinangunahan mismo ni Villar ang oath-taking sa makasaysayang Laurel House sa Shaw Boulevard, Mandaluyong City.
Aminado si Tamano na inaasahan niya na makakasama siya sa mga magiging pambato sa Senado ng NP sa 2010 elections. Ilalaban naman si Laurel sa pagka-kongresista sa ikatlong distrito ng Batangas na hawak ni Rep. Victoria Reyes na kasapi ng Lakas-Kampi-CMD.
Sinabi naman ni Villar na malaking kontribusyon sa partido si Tamano na magsisilbing kinatawan ng mga kabataan mula sa Mindanao.
“Mahalaga ang ating mga kababayan sa Mindanao, pati ang mga kabataan ay mabigyan ng representasyon. Kaya ang pagpasok ni Adel ay isang welcome development at ipinagmamalaki ng partido. Naniniwala akong marami pang darating gaya ni Adel na makikita ang magandang adhikain ng partido," ayon sa senador.
Spokesman lang
Minaliit naman ni Estrada ang paglipat ni Tamano sa NP na tinawag niyang “spokesman lang" ng UNO at walang sensitibong posisyon sa partido.
"Wala namang bagay sa opposition. ‘Di naman opisyal si Mr. Adel Tamano, siya ay spokesman lang, ‘di siya member ng executive committee," pahayag ni Estrada sa panayam ng isang himpilan ng radyo.
Hindi umano ka-level ni Tamano sina Makati City Mayor Jejomar Binay o dating Sen. Ernesto Maceda na kapwa miyembro ng executive committee. - GMANews.TV
