Mas matagal na state of calamity tinutulan
10/06/2009 | 05:10 PM
MANILA – Tutol ang isang senador at sektor ng negosyo na patagalin ang pinaiiral na State of Calamity sa Pilipinas bunga ng pinsalang idinulot ng bagyong “Ondoy."
Ayon kay Senador Manny Villar, may mga nag-aalala na posibleng abusuhin ng pamahalaan ang idineklarang state of calamity at tuluyang mauwi sa deklarasyon ng state of emergency.
Iginiit ng mambabatas na hindi na kakailanganin ng pamahalaan ang matagal na deklarasyon ng state of calamity para maibangon ang mga lugar na matinding sinalanta ng bagyo.
“Kailangan suriing mabuti ang plano ng Palasyo na palawigin ang deklarasyon ng state of calamity sa loob ng isang taon o higit pa. Nakakabangon na ang ilang lugar nang mabilis kaysa sa iba. Kailangan may balanse at nagkakaisang pananaw," pahayag ni Villar.
Ang deklarasyon ng state of calamity ang isa sa mga batayan ng pamahalaan upang magpatupad ng price control sa ilang pangunahing bilihin kasama na ang lubricant at mga construction material.
Maging si Edgardo Lacson, presidente ng Philippine Chamber of Commerce and Industry (PCCI), ay tutol na patagalin ng isang taon ang state of calamity na magkakaroon umano ng masamang epekto sa sektor ng pagnenegosyo.
Nagbabala siya na kung patuloy na kokontrolin ang presyo ng mga produkto sa matagal na panahon, posible itong maging dahilan ng pagkalugi na mauuwi sa pagsasara ng kumpanya o pagbabawas ng mga trabahador.
Naniniwala si Lacson na sapat na ang 60-araw na ipatupad ang pagkontrol sa presyo ng ilang bilihin alinsunod sa itinatakda ng batas.
Sa pagtaya ni Lacson, posible umanong umabot sa P1 bilyon ang pinsala sa negosyo na iniwan ni “Ondoy" na lubhang nagdulot ng baha sa maraming lugar sa Metro Manila at kalapit na lalawigan.
For the latest Philippine news stories and videos, visit GMANews.TV
"Caloocan, Navotas and Marikina [firms that make and trade] pulp and paper products, flour, hospital supplies and equipment and shoes suffered losses amounting to almost a billion pesos," ayon sa president eng PCCI.
Sinuportahan ni Villar ang pananaw ng sektor ng pagnenegosyo kabilang ang PCCI, Makati Business Club, Employers Confederation of the Philippines, at Federation of Philippine Industries.
“Nauunawaan natin na may pangangailangan na bigyang prayoridad ang biktima ng pagbaha ngunit kailangan din natin tingnan ang magiging epekto nito sa ibang sektor katulad sa pagnenegosyo," paliwanag niya.
Mas makabubuti umanong maglatag ang pamahalaan ng programa upang bumalik kaagad sa normal ang sitwasyon sa mga lugar na napinsala ng bagyo.
Idinagdag niya na kailangan maglagay ang pamahalaan ng mahusay na programa na tutulong din sa mga mangingisda at magsasaka na naapektuhan din ng bagyong “Pepeng" na sumalanta sa sektor ng agrikultura sa hilagang Luzon. - GMANews.TV
Ayon kay Senador Manny Villar, may mga nag-aalala na posibleng abusuhin ng pamahalaan ang idineklarang state of calamity at tuluyang mauwi sa deklarasyon ng state of emergency.
Iginiit ng mambabatas na hindi na kakailanganin ng pamahalaan ang matagal na deklarasyon ng state of calamity para maibangon ang mga lugar na matinding sinalanta ng bagyo.
“Kailangan suriing mabuti ang plano ng Palasyo na palawigin ang deklarasyon ng state of calamity sa loob ng isang taon o higit pa. Nakakabangon na ang ilang lugar nang mabilis kaysa sa iba. Kailangan may balanse at nagkakaisang pananaw," pahayag ni Villar.
Ang deklarasyon ng state of calamity ang isa sa mga batayan ng pamahalaan upang magpatupad ng price control sa ilang pangunahing bilihin kasama na ang lubricant at mga construction material.
Maging si Edgardo Lacson, presidente ng Philippine Chamber of Commerce and Industry (PCCI), ay tutol na patagalin ng isang taon ang state of calamity na magkakaroon umano ng masamang epekto sa sektor ng pagnenegosyo.
Nagbabala siya na kung patuloy na kokontrolin ang presyo ng mga produkto sa matagal na panahon, posible itong maging dahilan ng pagkalugi na mauuwi sa pagsasara ng kumpanya o pagbabawas ng mga trabahador.
Naniniwala si Lacson na sapat na ang 60-araw na ipatupad ang pagkontrol sa presyo ng ilang bilihin alinsunod sa itinatakda ng batas.
Sa pagtaya ni Lacson, posible umanong umabot sa P1 bilyon ang pinsala sa negosyo na iniwan ni “Ondoy" na lubhang nagdulot ng baha sa maraming lugar sa Metro Manila at kalapit na lalawigan.
For the latest Philippine news stories and videos, visit GMANews.TV
"Caloocan, Navotas and Marikina [firms that make and trade] pulp and paper products, flour, hospital supplies and equipment and shoes suffered losses amounting to almost a billion pesos," ayon sa president eng PCCI.
Sinuportahan ni Villar ang pananaw ng sektor ng pagnenegosyo kabilang ang PCCI, Makati Business Club, Employers Confederation of the Philippines, at Federation of Philippine Industries.
“Nauunawaan natin na may pangangailangan na bigyang prayoridad ang biktima ng pagbaha ngunit kailangan din natin tingnan ang magiging epekto nito sa ibang sektor katulad sa pagnenegosyo," paliwanag niya.
Mas makabubuti umanong maglatag ang pamahalaan ng programa upang bumalik kaagad sa normal ang sitwasyon sa mga lugar na napinsala ng bagyo.
Idinagdag niya na kailangan maglagay ang pamahalaan ng mahusay na programa na tutulong din sa mga mangingisda at magsasaka na naapektuhan din ng bagyong “Pepeng" na sumalanta sa sektor ng agrikultura sa hilagang Luzon. - GMANews.TV
