Bahay ni Romulo Neri niratrat; mga suspek naka-fatigue
10/09/2009 | 03:29 PM
MANILA – Nagkabutas-butas ang bahay at van ni Social Security System president Romulo Neri sa Quezon City nang paulanan ito ng bala ng mga hindi kilalang lalaki nitong umaga ng Biyernes.
Wala namang nasaktan sa naturang insidente, batay sa ibinigay na impormsyon sa dzBB radio ni Quezon City police director Chief Superintendent Elmo San Diego.
Ayon sa isang kapit-bahay ni Neri, apat hanggang limang lalaki ang lumabas sa isang Hyundai van na kulay maroon dakong 9:15 a.m. Matapos disarmahan ang security guard sa bahay ni Neri, sinimulan nilang paputukan ang bahay at nakaparadang van ng opisyal.
"Maraming putok, akala ko madadamay kami. Naka-fatigue yung mga bumabaril," ayon sa saksi na si Gng Castro.
Patuloy naman ang imbestigasyon ng pulisya kung ano ang motibo sa ginawang pag-atake sa bahay ni Neri.
Nakita rin ang inabandonang Hyundai van na ginamit ng mga suspek ilang bloke ang layo sa bahay ni Neri.
Naliligo
Ayon kay Neri, naliligo ito nang marinig ang ingay sa labas ng bahay at inakalang may nalaglag lamang na mga lamesa.
Wala umano siyang natatanggap na banta kaya hindi niya alam kung sino ang nasa likod ng pamamaril sa kanyang bahay.
"I have no idea, the police are investigating it...Yung mga kotse ko na nakapark sa labas, punong-puno ng bala," pahayag ng opisyal.
Ipinapaubaya na lamang umano niya sa pulisya ang imbestigasyon sa naturang insidente.
“In fact, I reduced my security kasi wala namang threats," idinagdag niya.
Naging kongtobersiyal si Neri matapos itong masangkot sa $329.48-milyong national broadband network deal sa ZTE Corp. ng China.
Inamin niya sa pagdinig sa Senado na inalok siya ni dating Commission on Elections chairman Benjamin Abalos ng P200 milyong suhol kapalit ng pag-apruba sa proyekto noong siya pa ang pinuno ng National Economic Development Authority.
Itinanggi ni Abalos ang paratang ni Neri ngunit naging dahilan ito ng pagbibitiw niya bilang pinuno ng Comelec.
Sa kabila ng pagdalo ni Neri sa imbestigasyon ng Senado sa kinanselang proyekto, tumanggi naman ang opisyal na ibunyag kung ano ang pinag-usapan nila ni Pangulong Gloria Arroyo tungkol sa nasabing proyekto.
Iginiit niya na sakop ng executive privilege ang pinag-usapan nila ni Gng Arroyo kaya dadalhin na lamang niya sa hukay ang detalye nito. – GMANews.TV
Wala namang nasaktan sa naturang insidente, batay sa ibinigay na impormsyon sa dzBB radio ni Quezon City police director Chief Superintendent Elmo San Diego.
Ayon sa isang kapit-bahay ni Neri, apat hanggang limang lalaki ang lumabas sa isang Hyundai van na kulay maroon dakong 9:15 a.m. Matapos disarmahan ang security guard sa bahay ni Neri, sinimulan nilang paputukan ang bahay at nakaparadang van ng opisyal.
"Maraming putok, akala ko madadamay kami. Naka-fatigue yung mga bumabaril," ayon sa saksi na si Gng Castro.
Patuloy naman ang imbestigasyon ng pulisya kung ano ang motibo sa ginawang pag-atake sa bahay ni Neri.
Nakita rin ang inabandonang Hyundai van na ginamit ng mga suspek ilang bloke ang layo sa bahay ni Neri.
Naliligo
Ayon kay Neri, naliligo ito nang marinig ang ingay sa labas ng bahay at inakalang may nalaglag lamang na mga lamesa.
Wala umano siyang natatanggap na banta kaya hindi niya alam kung sino ang nasa likod ng pamamaril sa kanyang bahay.
"I have no idea, the police are investigating it...Yung mga kotse ko na nakapark sa labas, punong-puno ng bala," pahayag ng opisyal.
Ipinapaubaya na lamang umano niya sa pulisya ang imbestigasyon sa naturang insidente.
“In fact, I reduced my security kasi wala namang threats," idinagdag niya.
Naging kongtobersiyal si Neri matapos itong masangkot sa $329.48-milyong national broadband network deal sa ZTE Corp. ng China.
Inamin niya sa pagdinig sa Senado na inalok siya ni dating Commission on Elections chairman Benjamin Abalos ng P200 milyong suhol kapalit ng pag-apruba sa proyekto noong siya pa ang pinuno ng National Economic Development Authority.
Itinanggi ni Abalos ang paratang ni Neri ngunit naging dahilan ito ng pagbibitiw niya bilang pinuno ng Comelec.
Sa kabila ng pagdalo ni Neri sa imbestigasyon ng Senado sa kinanselang proyekto, tumanggi naman ang opisyal na ibunyag kung ano ang pinag-usapan nila ni Pangulong Gloria Arroyo tungkol sa nasabing proyekto.
Iginiit niya na sakop ng executive privilege ang pinag-usapan nila ni Gng Arroyo kaya dadalhin na lamang niya sa hukay ang detalye nito. – GMANews.TV
