Richard-Heart tandem reignites in new series Full House

Muling magsasama sa prime time series sina Richard Gutierrez at Heart Evangelista para sa Pinoy remake ng very successful Koreanovela na Full House. Unang nagtambal sina Richard at Heart sa kauna-unahang sci-fi action series ng GMA 7 na Code Name: Asero. Ngayon naman, makikilala si Richard bilang si 'Justin' at Heart ang gaganap na si 'Jessie' sa romance/comedy series na Full House. Ayon kay entertainment reporter Audry Carampel, sa pictorial pa lang ay kinakitaan na ng excitement ang dalawa sa muli nilang pagsasama sa proyekto. “Very successful yung Full House, solid yung fans nila so, sana mabigyan namin ng naming ng justice yung roles and characters," pahayag ni Richard sa Chika Minute ng GMA news 24 Oras nitong Martes. Sinabi naman ni Heart na before pa siya lumipat sa GMA 7 ay naging dream na niyang magawa ang Full House. Nagsagawa na rindaw siya research sa internet tungkol sa nasabing Koreanovela. Bago ang Pinoy version ng Full House, naudlot ang pagsasama ng dalawa sa horror movie na Patient X na pinagbibidahan ni Richard. Ang role na dapat sana ay kay Heart, napunta kay Cristine Reyes. “Siyempre there is always a reason why things don’t push through. Maybe that project is definitely for Cristine and she did it well," pahayag ni Heart. Inspired daw ang dalawa sa muli nilang pagsasama, at maging sa napiling bahay na pagdarausan ng taping at tatawaging Full House. Nakatakda rin umanong magsagawa ng taping ang Full House sa labas ng bansa na posibleng gawin sa isang European city. - Fidel Jimenez, GMANews.TV
For the latest Philippine news stories and videos, visit GMANews.TV