Bus naaksidente sa NLEX, 11 sugatan
10/30/2009 | 07:01 PM
Labing-isang pasahero ng isang pampasaherong bus ang nasaktan nang masangkot sa aksidente sa North Luzon Expressway (NLEX) sa bahagi ng Bocaue sa Bulacan nitong Biyernes.
Ayon kay Superintendent Diosdado Ramos, provincial police director ng Bulacan, naganap ang aksidente sa Barangay Duhat na kinasangkutan ng BBTSC bus (plate number PXU 194) na minamaneho ni Ariel dela Cruz.
Lumitaw sa paunang imbestigasyon na tinatahak ng bus ang highway dakong 7:40 am nang biglang may sumulpot na isang dump truck. Nawalan umano ng kontrol sa manibela si Dela Cruz kaya nalihis ng linya at tumama sa bakod na bakal.
"The bus also hit a signage post before it flipped right side down," ayon sa text message na ipinadala ni Ramos sa GMANews.TV.
Dinala umano ang mga nasugatang pasahero sa R. Mercado Hospital sa Sta. Maria, Bulacan.
Patuloy umano ang ginagawang imbestigasyon ng pulisya sa naganap na aksidente. Inaalam din ang pangalan ng mga nasaktang pasahero.
Nitong Miyerkules, siyam na tao ang namatay at aabot sa 24 na iba pa ang nasugatan nang magsalpukan ang isang pampasaherong bus at isang pick-up truck sa Cauayan City, Isabela. - GMANews.TV
Ayon kay Superintendent Diosdado Ramos, provincial police director ng Bulacan, naganap ang aksidente sa Barangay Duhat na kinasangkutan ng BBTSC bus (plate number PXU 194) na minamaneho ni Ariel dela Cruz.
Lumitaw sa paunang imbestigasyon na tinatahak ng bus ang highway dakong 7:40 am nang biglang may sumulpot na isang dump truck. Nawalan umano ng kontrol sa manibela si Dela Cruz kaya nalihis ng linya at tumama sa bakod na bakal.
"The bus also hit a signage post before it flipped right side down," ayon sa text message na ipinadala ni Ramos sa GMANews.TV.
Dinala umano ang mga nasugatang pasahero sa R. Mercado Hospital sa Sta. Maria, Bulacan.
Patuloy umano ang ginagawang imbestigasyon ng pulisya sa naganap na aksidente. Inaalam din ang pangalan ng mga nasaktang pasahero.
Nitong Miyerkules, siyam na tao ang namatay at aabot sa 24 na iba pa ang nasugatan nang magsalpukan ang isang pampasaherong bus at isang pick-up truck sa Cauayan City, Isabela. - GMANews.TV
