356 ektarya sang pananum sa Antique nahalitan sang tungro
11/05/2009 | 03:09 PM
Maglab-ot 356 ka ektarya sang pananum nga humay sa bug-os nga probinsya sang Antique ang ginhalitan sang tungro virus sa first cropping.
Sa record sang provincial agriculturist's office, 75 porsyento gid sang kaumhan sa banwa sang Bugasong ang pinakadaku nga halit.
Masobra 1,000 ka ektarya ang nauna nga ginreport nga apektado sang tungro magamay gid lamang nga porsyento sini ang kumpirmado nga may tungro.
Ang iban ang nagkulang lang sa sulfur kag zinc element nga makuha sa mga abono.
Para sa provincial agriculturist, natapna na ang paglapta sang virus apang padayon pa nga gina-monitor ang liwat nga pagtuhaw sang tungro virus sa karon nga nag-umpisa na ang second cropping.
Bilang pagsunod sa integrated pest management program, indi prayoridad ang pag-spray sang insecticide kon mahimo pa lang matapna ang virus sa natural nga pamaagi. Madula man ang paglapta sang virus kon pahuwayan anay ang pagtanum sang humay sa lugar nga gin-igo sang peste.
Makabulig man ang pagtanum sang dululungan agud pagkatapos sang harvest, wala na sang sayluhan ang virus nga ginadala sang peste nga waya-waya.
Apisar nabuhinan ang produksyon sang probinsya sang antique, nagapabilin kuno nga may surplus ang ila supply sang humay. - Ratsada
Sa record sang provincial agriculturist's office, 75 porsyento gid sang kaumhan sa banwa sang Bugasong ang pinakadaku nga halit.
Masobra 1,000 ka ektarya ang nauna nga ginreport nga apektado sang tungro magamay gid lamang nga porsyento sini ang kumpirmado nga may tungro.
Ang iban ang nagkulang lang sa sulfur kag zinc element nga makuha sa mga abono.
Para sa provincial agriculturist, natapna na ang paglapta sang virus apang padayon pa nga gina-monitor ang liwat nga pagtuhaw sang tungro virus sa karon nga nag-umpisa na ang second cropping.
Bilang pagsunod sa integrated pest management program, indi prayoridad ang pag-spray sang insecticide kon mahimo pa lang matapna ang virus sa natural nga pamaagi. Madula man ang paglapta sang virus kon pahuwayan anay ang pagtanum sang humay sa lugar nga gin-igo sang peste.
Makabulig man ang pagtanum sang dululungan agud pagkatapos sang harvest, wala na sang sayluhan ang virus nga ginadala sang peste nga waya-waya.
Apisar nabuhinan ang produksyon sang probinsya sang antique, nagapabilin kuno nga may surplus ang ila supply sang humay. - Ratsada
