iGMA: Carla Abellana, Geoff Eigenmann in a romantic-comedy project
11/12/2009 | 03:31 PM
Mula sa ma-dramang pagganap sa kanilang prime time show, magpapakilig at magpapasaya naman ang hot young love team nina Carla Abellana at Geoff Eigenmann sa isang romantic-comedy offering ng “SRO Cinemaserye." Good news sa mga fans nina Carla at Geoff, kahit magtatapos na ang prime time series na Rosalinda this month, may kasunod naman silang TV project na tiyak na kagigiliwan ng mga manonood, ang SRO Cinemaserye Presents Carinderia Queen.
The four-part episode is about Juliet (played by Carla), ang 'Carinderia Queen' na sikat na sikat sa kanilang baranggay dahil sa kanyang looks at charm.
The story revolves around her friendship with Romeo (played by Geoff) at ang friendship ng kanilang mga ina na sila Aling Biday (Melanie Marquez) at Aling Waray (Gina Alajar).
During a press launch last Sunday, Carla at Geoff revealed na ibang-iba ang kanilang weekly TV show compared sa Rosalinda dahil dito makikita ang comic side nilang dalawa.
"Actually naninibago kami noong first taping day namin dahil very kenkoy siya. Nasanay kami na nakatayo lang at emote lang ng emote," ang pahayag ni Geoff ng makausap namin siya before the press conference started.
"Kakaibang Carla and Geoff ang makikita ninyo," dagdag naman ng Pinay Rosalinda.
Working with dad and mom
Sobrang excited daw ang dalawa dahil makakasama pa nila ang kanilang mga celebrity parents sa series--Rey “PJ" Abellana, Carla's dad, and Direk Gina Alajar, Geoff's mom.
"This is the first time that I will be working with my father and of course Tita Gina in a show. Exciting na magkakasama kaming apat," ang pag-amin ni Carla na very vocal sa pagsasabi na dream niya talagang makatrabaho ang kanyang ama.
Aminado naman si Geoff na naging mas comfortable siya sa pag-arte dahil kasama niya ang kanyang ina na si Direk Gina sa show.
"Siyempre ang saya. Actually I have worked with her before. Na-direk na rin niya ko and I have co-starred with her. But this is very different dahil first time naming magsasama sa series talaga, tapos very light pa. Very comfortable ako dahil alam ko nandyan ang mom ko," kuwento ni Geoff.
Bukod pa diyan, may na-discover din si Geoff about his mom. "May nakikita akong ibang side ng mom ko na sobrang kalog, especially kapag ginagawa na niya ang mga eksena. 'Mommy ko ba to?' May mga ganung moments eh," natatawang paliwanag ni Geoff.
Tiyak na isang nakakaaliw na story ang ibibigay sa atin ng panibagong offering ng SRO Cinemaserye. Abangan ang premiere episode nito sa Thursday, November 12, right after Shining Inheritance sa GMA. - Loretta G. Ramirez, iGMA
