Pagbisita ni Clinton sa RP dapat daw samantalahin sa pagrepaso ng VFA
11/12/2009 | 09:22 PM
MANILA – Hiniling ni Senador Francis Escudero sa pamahalaan na samantalahin ang pagbisita ni US State Secretary Hillary Clinton sa Pilipinas para igiit ang pagrepaso sa sa mga probisyon sa Visiting Forces Agreement (VFA).
Bukod sa pagsusuri sa mga sasakyan ng US na dadalhin sa Pilipinas, iginiit ni Escudero na kailangang isulong sa VFA ang mga probisyon na magbibigay ng proteksiyon sa mga kababaihan.
Ang pahayag ay ginawa ng senador matapos sabihin ni Clinton na ang VFA ay isang katibayan ng mahusay na pagtutulungan ng Pilipinas at US katulad sa pagharap sa kalamidad.
"The Visiting forces agreement is an important expression of that partnership based on mutual respect and mutual interest and our service members as we have seen in these last natural disasters are ready to provide assistance where it is asked for and to work side by side with the military of the Philippines. I’m proud with what our service members have done and to respond to the devastating storms and the floods," ayon kay Clinton sa pulong balitaan sa Malacanang nitong Huwebes
Ngunit para kay Escudero, walang laman ang pahayag ng opisyal ng US kung patuloy na igigiit ng Washington ang ‘di umano pantay na probisyon sa kasunduan kabilang ang usapin sa hurisdiksiyon sa nagagawang krimen sa Pilipinas ang US soldiers.
“Makikita ito lahat sa kaso ni US Lance Corporal Daniel Smith. Bilang seryosong babaeng kandidato sa US, naging inspirasyon ng kababaihan si Hillary Clinton, at kabalintunaan ito dahil kitang-kita na pawang anti-women ang VFA, partikular sa kaso ni Smith," ayon kay Escudero.
Iginiit niya na dapat samantalahin ng Palasyo ang pagbisita ni Clinton upang kalampagin ang US sa mga kontrobersiyal na probisyon sa VFA na pinapaniwalaang higit na nakikinabang ang US.
Nabuo ang naturang kasunduan ng Pilipinas at US noong 2001 matapos ibasura ng Senado ang RP- US Military Agreement. Taong 1991 nang bomoto ang 12 senador laban sa kasunduan sa pamumuno ni dating Senate President Jovito Salonga.
“Dapat tanungin ng Palasyo ang US na tiyakin na walang armas nukleyar sa alinmang barkong pangdigma ng US na pumapasok sa ating bansa," pagdiin ni Escudero.
Lumulutang ang hinala na nagtataglay ng armas nukleyar ang barko ng Amerikano na pumapasok sa bansa sa patuloy na nagdating ng mga tropang US na isa umanong paglabag sa Saligang Batas.
“Dapat palitan natin ang VFA ng isang tratado na papayagan ang Pilipinas na suriin ang lahat ng paparating na eroplano, barko o anumang sasakyang pandigma na pag-aari ng US military, at magbigay sila ng detalyadong imbentaryo ng armas at kagamitan na ipapasok sa bansa para sa anumang operasyon," mungkahi niya. - GMANews.TV
Bukod sa pagsusuri sa mga sasakyan ng US na dadalhin sa Pilipinas, iginiit ni Escudero na kailangang isulong sa VFA ang mga probisyon na magbibigay ng proteksiyon sa mga kababaihan.
Ang pahayag ay ginawa ng senador matapos sabihin ni Clinton na ang VFA ay isang katibayan ng mahusay na pagtutulungan ng Pilipinas at US katulad sa pagharap sa kalamidad.
"The Visiting forces agreement is an important expression of that partnership based on mutual respect and mutual interest and our service members as we have seen in these last natural disasters are ready to provide assistance where it is asked for and to work side by side with the military of the Philippines. I’m proud with what our service members have done and to respond to the devastating storms and the floods," ayon kay Clinton sa pulong balitaan sa Malacanang nitong Huwebes
Ngunit para kay Escudero, walang laman ang pahayag ng opisyal ng US kung patuloy na igigiit ng Washington ang ‘di umano pantay na probisyon sa kasunduan kabilang ang usapin sa hurisdiksiyon sa nagagawang krimen sa Pilipinas ang US soldiers.
“Makikita ito lahat sa kaso ni US Lance Corporal Daniel Smith. Bilang seryosong babaeng kandidato sa US, naging inspirasyon ng kababaihan si Hillary Clinton, at kabalintunaan ito dahil kitang-kita na pawang anti-women ang VFA, partikular sa kaso ni Smith," ayon kay Escudero.
Iginiit niya na dapat samantalahin ng Palasyo ang pagbisita ni Clinton upang kalampagin ang US sa mga kontrobersiyal na probisyon sa VFA na pinapaniwalaang higit na nakikinabang ang US.
Nabuo ang naturang kasunduan ng Pilipinas at US noong 2001 matapos ibasura ng Senado ang RP- US Military Agreement. Taong 1991 nang bomoto ang 12 senador laban sa kasunduan sa pamumuno ni dating Senate President Jovito Salonga.
“Dapat tanungin ng Palasyo ang US na tiyakin na walang armas nukleyar sa alinmang barkong pangdigma ng US na pumapasok sa ating bansa," pagdiin ni Escudero.
Lumulutang ang hinala na nagtataglay ng armas nukleyar ang barko ng Amerikano na pumapasok sa bansa sa patuloy na nagdating ng mga tropang US na isa umanong paglabag sa Saligang Batas.
“Dapat palitan natin ang VFA ng isang tratado na papayagan ang Pilipinas na suriin ang lahat ng paparating na eroplano, barko o anumang sasakyang pandigma na pag-aari ng US military, at magbigay sila ng detalyadong imbentaryo ng armas at kagamitan na ipapasok sa bansa para sa anumang operasyon," mungkahi niya. - GMANews.TV
