Political killings ikinabahala ng senador
11/14/2009 | 11:30 PM
MANILA – Lubhang naalarma ang isang senador sa patuloy na pagtaas ng insidente ng political killings sa iba’t ibang bahagi ng bansa kung saan ang pinakahuli ay ang pagpaslang sa isang lider ng militanteng grupo sa Bicol region.
Ayon kay Sen Francis Escudero, pinaslang ng hindi pa nakikilang salarin noong Nobyembre 10 ang tagapagsalita ng Bayan Muna na si Rodrigo Torres sa Camarines Sur. Bukod pa rito ang mga ulat na may mga miyembro ng New People’s Army ang napaslang at tatlo ang inaresto ng tropang gobyerno sa Compostela Valley kamakailan.
“Masyadong nakakaalarma ang madalas na pagpaslang, pagdukot at pagdakip na siyang kumakalat sa Bicol region sa mga nakaraang linggo," pahayag ng mamababatas.
Dahil dito, nanawagan si Escudero sa pamahalaan na ituloy ang makikipag-usap sa mga rebeldeng komunista at isama sa negosasyon ang lahat ng mga may kinalaman sa usapin upang wakasan ang insurehiya at matigil ang tumitinding paglabag sa karapatang pantao.
“Hindi matitigil ang ganitong pagpatay maliban na lamang kung iaalok ang kapayapaan sa usapan ng lahat ng sangkot na partido. Nagkakaroon ng oportunidad sa nahintong usapang pangkapayapaan sa National Democratic Front upang mahimok ang lahat ng grupo sa proseso ng kapayapaan na hindi binabalewala ang anumang nakamit sa mga nakaraang usapan," paliwanag niya.
Nagkaroon ng pag-asa na maipagpapatuloy ang usapang pangkayapaan sa unang bahagi ng taon, ngunit hindi ito natuloy nang tumanggi ang pamahalaan na palayain ang 14 na “peace panel consultant" ng NDF.
Nauna nang inihayag ni Presidential Adviser on the Peace Process Annabelle Abaya na kumikilos ang pamahalaan upang mabuksan muli ang pag-uusap sa pamamagitan ng pagkuha ng isang Norwegian mediator.
“Isali natin ang lahat sa proseso kaya kung anuman ang magiging desisyon, mayroon silang suporta. Dapat isulong natin ng negosasyon sa kapayapaan sa rebeldeng grupo ng komunista sa ilalim ng burador ng Saligang Batas, international humanitarian law at pambansang kagalingan," paliwanag niya.
Idinagdag niya na dapat ugatin ng susunod na administrasyon ang problema ng rebelyon upang hanapan ito ng solusyon sa madaling panahon. – GMANews.TV
Ayon kay Sen Francis Escudero, pinaslang ng hindi pa nakikilang salarin noong Nobyembre 10 ang tagapagsalita ng Bayan Muna na si Rodrigo Torres sa Camarines Sur. Bukod pa rito ang mga ulat na may mga miyembro ng New People’s Army ang napaslang at tatlo ang inaresto ng tropang gobyerno sa Compostela Valley kamakailan.
“Masyadong nakakaalarma ang madalas na pagpaslang, pagdukot at pagdakip na siyang kumakalat sa Bicol region sa mga nakaraang linggo," pahayag ng mamababatas.
Dahil dito, nanawagan si Escudero sa pamahalaan na ituloy ang makikipag-usap sa mga rebeldeng komunista at isama sa negosasyon ang lahat ng mga may kinalaman sa usapin upang wakasan ang insurehiya at matigil ang tumitinding paglabag sa karapatang pantao.
“Hindi matitigil ang ganitong pagpatay maliban na lamang kung iaalok ang kapayapaan sa usapan ng lahat ng sangkot na partido. Nagkakaroon ng oportunidad sa nahintong usapang pangkapayapaan sa National Democratic Front upang mahimok ang lahat ng grupo sa proseso ng kapayapaan na hindi binabalewala ang anumang nakamit sa mga nakaraang usapan," paliwanag niya.
Nagkaroon ng pag-asa na maipagpapatuloy ang usapang pangkayapaan sa unang bahagi ng taon, ngunit hindi ito natuloy nang tumanggi ang pamahalaan na palayain ang 14 na “peace panel consultant" ng NDF.
Nauna nang inihayag ni Presidential Adviser on the Peace Process Annabelle Abaya na kumikilos ang pamahalaan upang mabuksan muli ang pag-uusap sa pamamagitan ng pagkuha ng isang Norwegian mediator.
“Isali natin ang lahat sa proseso kaya kung anuman ang magiging desisyon, mayroon silang suporta. Dapat isulong natin ng negosasyon sa kapayapaan sa rebeldeng grupo ng komunista sa ilalim ng burador ng Saligang Batas, international humanitarian law at pambansang kagalingan," paliwanag niya.
Idinagdag niya na dapat ugatin ng susunod na administrasyon ang problema ng rebelyon upang hanapan ito ng solusyon sa madaling panahon. – GMANews.TV
