Early birds: 'Emperor of the World' tatakbong pangulo sa 2010 polls
11/20/2009 | 05:48 PM
MANILA – Isang nagpakilalang magiging ‘Emperor of the World" ang kauna-unahang naghain ng kanyang kandidatura bilang pangulo ng Pilipinas sa May 2010 elections sa Commission on Elections nitong Biyernes.
Isinumite ni Rigoberto Madera Jr., 61-anyos, nagpakilala ring "six-star general," ang kanyang certificate of candidacy (COC) sa main office ng Comelec dakong 8:40 a.m. sa Maynila.
Ayon kay Madera, siya ay si N.N.N. para sa pinagsing "Najananan," na nangangahulugan umano ng "God the name above all."
Sa panayam ng media, sinabi ni Madera na tatakbo siyang pangulo upang lutasin ang problema ng Pilipinas sa ekonomiya.
Nasa likod umano niya ang Diyos na gagastos sa kanyang kampanya.
"Mananalo ako, si God na ang bahala," pahayag ni Madera sa GMANews.TV bago niya isumite ang COC.
Bukod sa pagpapalago ng ekonomiya, pagtutuunan umano ni Madera ng pansin ang edukasyon ng mga kabataan. Malaki raw ang tiwala niya na mananalo dahil siya ang nangunguna sa mga survey.
Bukod sa pamumuno sa Pilipinas, plano ni Madera na tumakbong pangulo ng United States, United Nations secretary-general, at maging "emperor of the world."
Sumunod kay Madera na naghain ng kandidatura sa pagka-pangulo ang 40-anyos na si Gilbert Garcia, isang quantum physics instructor mula sa Laguna.
Ngunit hindi katulad ni Madera, tumanggi siyang magpaunlad ng panayam.
Nagsumite rin ng COC para tumakbong pangulo sina Wendell Lope at Vicente Fabella.
Tatlong hindi rin kilalang personalidad ang naghain ng kanilang kandidatura bilang senador na sina Victoriano Inte, Micomi-I La-lawquero; at Eduardo Sion.
Iginiit nila na hindi sila dapat ituring "panggulo" dahil kaya nilang maglunsad ng kampanya sa buong bansa.
Ibinasura si Lozano
Samantala, hindi naman tinanggap ng Comelec ang COC ni Atty. Oliver Lozano na planong tumakbong presidente dahil hindi nito personal na isinumete ang dokumento.
Kilalang loyalista ng mga Marcos si Lozano na tumakbong senador noong 2007 elections pero natalo sa ilalim ng partidong Kilusang Bagong Lipunan.
Ayon kay Comelec spokesperson James Jimenez, mayroong isinagawang “screening" sa mga naghahaing COC ng mga tatakbo sa May 2010 elections.
Bagaman kahit sino ay maaaring maghain ng kanilang kandidatura, kailangan makompleto nila ang mga rekesitos na nakasaad sa dokumento para sa taong tatakbo.
Sa sandaling maisumite ang mga COC, sinabi ni Jimenez na sasalain muli ito ng Comelec para malamang kung sino ang mga idedeklarang “panggulo" at diskuwalipikado. - GMANews.TV
Isinumite ni Rigoberto Madera Jr., 61-anyos, nagpakilala ring "six-star general," ang kanyang certificate of candidacy (COC) sa main office ng Comelec dakong 8:40 a.m. sa Maynila.
Ayon kay Madera, siya ay si N.N.N. para sa pinagsing "Najananan," na nangangahulugan umano ng "God the name above all."
Sa panayam ng media, sinabi ni Madera na tatakbo siyang pangulo upang lutasin ang problema ng Pilipinas sa ekonomiya.
Nasa likod umano niya ang Diyos na gagastos sa kanyang kampanya.
"Mananalo ako, si God na ang bahala," pahayag ni Madera sa GMANews.TV bago niya isumite ang COC.
Bukod sa pagpapalago ng ekonomiya, pagtutuunan umano ni Madera ng pansin ang edukasyon ng mga kabataan. Malaki raw ang tiwala niya na mananalo dahil siya ang nangunguna sa mga survey.
Bukod sa pamumuno sa Pilipinas, plano ni Madera na tumakbong pangulo ng United States, United Nations secretary-general, at maging "emperor of the world."
Sumunod kay Madera na naghain ng kandidatura sa pagka-pangulo ang 40-anyos na si Gilbert Garcia, isang quantum physics instructor mula sa Laguna.
Ngunit hindi katulad ni Madera, tumanggi siyang magpaunlad ng panayam.
Nagsumite rin ng COC para tumakbong pangulo sina Wendell Lope at Vicente Fabella.
Tatlong hindi rin kilalang personalidad ang naghain ng kanilang kandidatura bilang senador na sina Victoriano Inte, Micomi-I La-lawquero; at Eduardo Sion.
Iginiit nila na hindi sila dapat ituring "panggulo" dahil kaya nilang maglunsad ng kampanya sa buong bansa.
Ibinasura si Lozano
Samantala, hindi naman tinanggap ng Comelec ang COC ni Atty. Oliver Lozano na planong tumakbong presidente dahil hindi nito personal na isinumete ang dokumento.
Kilalang loyalista ng mga Marcos si Lozano na tumakbong senador noong 2007 elections pero natalo sa ilalim ng partidong Kilusang Bagong Lipunan.
Ayon kay Comelec spokesperson James Jimenez, mayroong isinagawang “screening" sa mga naghahaing COC ng mga tatakbo sa May 2010 elections.
Bagaman kahit sino ay maaaring maghain ng kanilang kandidatura, kailangan makompleto nila ang mga rekesitos na nakasaad sa dokumento para sa taong tatakbo.
Sa sandaling maisumite ang mga COC, sinabi ni Jimenez na sasalain muli ito ng Comelec para malamang kung sino ang mga idedeklarang “panggulo" at diskuwalipikado. - GMANews.TV
