Erap handa nang idepensa ang muling pagtakbo sa pagka-pangulo
11/21/2009 | 04:49 PM
MANILA – Nakakasa na ang legal team ni dating Pangulong Joseph Estrada upang idepensa ang muli nitong pagtakbo sa pinakamataas na posisyon ng bansa sa May 2010 elections.
Sa pagharap ni Estrada nitong Biyernes sa kauna-unahang web show sa Pilipinas na "Examine!" ng GMANews.TV, inihayag ng dating lider na dinagdagan niya ang mga abogadong magtatanggol sa kanyang kandidatura.
Inaasahang na kukuwestiyunin ang muling pagtakbo ni Estrada sa panguluhan kapag nakapaghain na ito ng Certificate of Candidacy sa Commission on Elections. Nakasaad kasi sa Konstitusyon na isang beses lamang maaaring manungkulan ang isang nahalal na presidente sa Pilipinas.
Kabilang umano sa mga kasama sa legal team ni Estrada ay retiradong mahistrado ng Supreme Court, isang election lawyer, at mga dean ng iba't ibang law school sa bansa.
Sa hiwalay na panayam ng mga mamamahayag sa Senado, sinabi ni dating senador Ernesto Maceda, tagapagsalita ng United Opposition (UNO), na ang legal team ni Estrada ay kinabibilangan nina:
• Justice Magdangal Elma, dating Presidential Legal Counsel ng pumanaw na si dating Pangulong Corazon Aquino,
• Pacifico Agabin, dean ng University of the Philippines' College of Law;
• Amado Valdez, dean ng University of the East College of Law;
• Cagayan de Oro Rep. Rufus Rodriguez, dating dean ng San Sebastian Law School;
• George Garcia, elections lawyer; at
• Aquilino “Koko" Pimentel III, law professor.
Tiwala umano si Maceda na malulusutan ni Estrada ang mga ihahaing disqualification case kapag nagsumite na ito ng COC sa Nobyembre 27.
Sakaling matalo, posibleng maglagay umano ng kapalit na kandidato ang UNO o mag-endorso na lamang ng ibang kandidato sa panguluhan.
Nakasaad sa Article VII, Section 4 ng 1987 Constitution na, "The President shall not be eligible for any reelection. No person who has succeeded as President and has served as such for more than four years shall be qualified for election to the same office at any time."
Ngunit iginiit ng kampo ni Estrada na hindi ito maaaring ipatupad sa termino ng dating pangulo dahil hindi nito natapos ang kanyang anim na taong termino.
Nahalal na pangulo si Estrada noong 1998, subalit napatalsik siya sa mapayapang rebolusyon noong 2001 dahil sa alegasyon ng katiwalian. – GMANews.TV
Sa pagharap ni Estrada nitong Biyernes sa kauna-unahang web show sa Pilipinas na "Examine!" ng GMANews.TV, inihayag ng dating lider na dinagdagan niya ang mga abogadong magtatanggol sa kanyang kandidatura.
Inaasahang na kukuwestiyunin ang muling pagtakbo ni Estrada sa panguluhan kapag nakapaghain na ito ng Certificate of Candidacy sa Commission on Elections. Nakasaad kasi sa Konstitusyon na isang beses lamang maaaring manungkulan ang isang nahalal na presidente sa Pilipinas.
Kabilang umano sa mga kasama sa legal team ni Estrada ay retiradong mahistrado ng Supreme Court, isang election lawyer, at mga dean ng iba't ibang law school sa bansa.
Sa hiwalay na panayam ng mga mamamahayag sa Senado, sinabi ni dating senador Ernesto Maceda, tagapagsalita ng United Opposition (UNO), na ang legal team ni Estrada ay kinabibilangan nina:
• Justice Magdangal Elma, dating Presidential Legal Counsel ng pumanaw na si dating Pangulong Corazon Aquino,
• Pacifico Agabin, dean ng University of the Philippines' College of Law;
• Amado Valdez, dean ng University of the East College of Law;
• Cagayan de Oro Rep. Rufus Rodriguez, dating dean ng San Sebastian Law School;
• George Garcia, elections lawyer; at
• Aquilino “Koko" Pimentel III, law professor.
Tiwala umano si Maceda na malulusutan ni Estrada ang mga ihahaing disqualification case kapag nagsumite na ito ng COC sa Nobyembre 27.
Sakaling matalo, posibleng maglagay umano ng kapalit na kandidato ang UNO o mag-endorso na lamang ng ibang kandidato sa panguluhan.
Nakasaad sa Article VII, Section 4 ng 1987 Constitution na, "The President shall not be eligible for any reelection. No person who has succeeded as President and has served as such for more than four years shall be qualified for election to the same office at any time."
Ngunit iginiit ng kampo ni Estrada na hindi ito maaaring ipatupad sa termino ng dating pangulo dahil hindi nito natapos ang kanyang anim na taong termino.
Nahalal na pangulo si Estrada noong 1998, subalit napatalsik siya sa mapayapang rebolusyon noong 2001 dahil sa alegasyon ng katiwalian. – GMANews.TV
