Suspek sa pagpatay sa anak ng Palace official hinikayat na sumuko
11/21/2009 | 05:25 PM
MANILA – Nanawagan ang isang opisyal ng Malacanang nitong Sabado sa suspek sa pagpatay kay Renato Victor Ebarle Jr., na mapayapang sumuko sa mga awtoridad.
Ito ay matapos iutos ni Philippine National Police chief Jesus Verzosa sa mga tauhan na tugisin ang suspek na si Jason Ivler, na napag-alaman na sangkot din sa pagkamatay sa aksidente ni dating Manila Rep. Nestor Ponce noong 2004.
Sa panayam ng dzRB radio, nakiusap si Press Secretary Cerge Remonde sa mga nakakakilala kay Ivler na kumbinsihin ito na mapayapang sumuko sa mga awtoridad kaugnay sa pagkamatay ni Ebarle.
“Mananawagan tayo sa suspect o sinuman na nakakakilala sa suspect to yield peacefully, or give him up to authorities," ayon kay Remonde.
Hinihinalang iringin sa kalye ang ugat ng pagbaril ng suspek kay Ebarle sa Quezon City noong Miyerkules ng gabi. Ang biktima ay anak ni Undersecretary Renato Sr., ng Office of the Presidential Chief of Staff.
Aminado si Remonde na nararamdaman din niya ang galit sa pagkamatay ng nakababatang Ebarle dahil kaibigan niya ang ama nito.
“We condemn in the strongest possible sense the senseless murder of Renato Victor Ebarle Jr., especially because his father is very close to me, Undersecretary Boy Ebarle. He’s always in my office," ayon kay Remonde.
Kabilang umano siya sa mga unang tinawagan ng nakatatandang Ebarle nang malaman nito ang sinapit ng anak, ayon sa kalihim.
Sinabi ni Remonde na nagbigay ng direktiba ang Malacanang sa liderato ng PNP na, “to leave no stone unturned in solving this crime."
Diplomat
Nilinaw naman ng Department of Foreign Affairs (DFA) na hindi maaaring gumamit ng diplomatic immunity si Ivler kahit pa isang diplomat ang kanyang stepfather na si Stephen Pollard, opisyal sa Asian Development Bank.
Lumitaw sa imbestigasyon na kotse ni Polland na may diplomatic license plate ang ginamit umano ng suspek nang maganap ang krimen.
"Our records do not show Ivler is accredited as having diplomatic status, though his father is, as a principal economist of ADB," ayon kay Foreign Affairs spokesperson Ed Malaya.
Inakusahan naman ng Quezon Police District si Pollard na hindi nakikipagtulungan sa imbestigasyon dahil ayaw nitong tukuyin kung sino talaga ang gumamit ng kanyang kotse nang mangyari ang krimen.
Idinahilan umano ni Pollard na pinagbawalan siya ng kanyang abogado na magsalita tungkol sa kaso. - GMANews.TV
Ito ay matapos iutos ni Philippine National Police chief Jesus Verzosa sa mga tauhan na tugisin ang suspek na si Jason Ivler, na napag-alaman na sangkot din sa pagkamatay sa aksidente ni dating Manila Rep. Nestor Ponce noong 2004.
Sa panayam ng dzRB radio, nakiusap si Press Secretary Cerge Remonde sa mga nakakakilala kay Ivler na kumbinsihin ito na mapayapang sumuko sa mga awtoridad kaugnay sa pagkamatay ni Ebarle.
“Mananawagan tayo sa suspect o sinuman na nakakakilala sa suspect to yield peacefully, or give him up to authorities," ayon kay Remonde.
Hinihinalang iringin sa kalye ang ugat ng pagbaril ng suspek kay Ebarle sa Quezon City noong Miyerkules ng gabi. Ang biktima ay anak ni Undersecretary Renato Sr., ng Office of the Presidential Chief of Staff.
Aminado si Remonde na nararamdaman din niya ang galit sa pagkamatay ng nakababatang Ebarle dahil kaibigan niya ang ama nito.
“We condemn in the strongest possible sense the senseless murder of Renato Victor Ebarle Jr., especially because his father is very close to me, Undersecretary Boy Ebarle. He’s always in my office," ayon kay Remonde.
Kabilang umano siya sa mga unang tinawagan ng nakatatandang Ebarle nang malaman nito ang sinapit ng anak, ayon sa kalihim.
Sinabi ni Remonde na nagbigay ng direktiba ang Malacanang sa liderato ng PNP na, “to leave no stone unturned in solving this crime."
Diplomat
Nilinaw naman ng Department of Foreign Affairs (DFA) na hindi maaaring gumamit ng diplomatic immunity si Ivler kahit pa isang diplomat ang kanyang stepfather na si Stephen Pollard, opisyal sa Asian Development Bank.
Lumitaw sa imbestigasyon na kotse ni Polland na may diplomatic license plate ang ginamit umano ng suspek nang maganap ang krimen.
"Our records do not show Ivler is accredited as having diplomatic status, though his father is, as a principal economist of ADB," ayon kay Foreign Affairs spokesperson Ed Malaya.
Inakusahan naman ng Quezon Police District si Pollard na hindi nakikipagtulungan sa imbestigasyon dahil ayaw nitong tukuyin kung sino talaga ang gumamit ng kanyang kotse nang mangyari ang krimen.
Idinahilan umano ni Pollard na pinagbawalan siya ng kanyang abogado na magsalita tungkol sa kaso. - GMANews.TV
