91 kandidatong presidente sa 2010 polls tinapyas ng Comelec

MANILA – Walo lang sa 99 na naghain ng kandidatura sa pagka-pangulo ang natira sa ginawang pagsala ng Commission on Elections (Comelec) sa mga kakandidato sa May 2010 elections. Bukod sa walong presidential candidates, itinira rin ng Comelec ang walong kandidato sa pagka-bise presidente at 58 na kandidatong senador. Sa ipinatawag na pulong balitaan nitong Martes sa tanggapan ng Comelec sa Intramuros, Manila, inihayag ni Chairman Jose Melo ang mga pumasang “presidentiables" na sina: • Aquino, Benigno Simeon “Noynoy" III (Liberal Party) • Delos Reyes, John Carlos “JC" (Ang Kapatiran) • Ejercito Estrada, Joseph M. (Puwersa ng Masang Pilipino – UNO) • Gordon, Richard J. (Bagumbayan) • Madrigal, Maria Ana Consuelo “Jamby" AS. (Independent) • Teodoro, Gilberto Jr. C. (Lakas-Kampi-CMD) • Villanueva, Eddie C. (Bangon Pilipinas) • Villar, Manuel Jr. B. (Nacionalista Party) Kabilang sa mga diniskuwalipika ng Comelec ay si Nicanor Perlas na binigyan ng hanggang Lunes para umapela. “We will give them five days, they have up to Monday. We’ll probably be able to make a decision by the end of the next week," ayon kay Melo. Samantala, sa 20 naghain ng kanilang Certificate of Candidacy (COC), ang mga pinayagan lang ng Comelec na kumandidato ay sina: • Binay, Jejomar C. (PDP-Laban) • Chipeco, Dominador “Jun" Jr. F. (Ang Kapatiran) • Fernando, Bayani F. (Bagumbayan) • Legarda, Loren B. (National People’s Coalition) • Manzano, Edu B. (Lakas-Kampi-CMD) • Roxas, Manuel “Mar" II A. (Liberal Party) • Sonza, Jose “Jay" Y. (Kilusang Bagong Lipunan) • Yasay, Perfecto Jr. R. (Bangon Pilipinas) Samantala, 58 naman sa 158 aspiranteng senador ang naiwan sa ginawang pagsala ng Comelec. Ito ay sina: • Acosta, Jr. Nereus O. (LP) • Albani, Shariff Ibrahim H. (KBL) • Alonto, Zafrullah M. (Bangon Pilipinas) • Baraquel, Ana. Theresa H. (LP) • Bautista, J.V. Larion (PMP) • Bautista, Martin D. (LP) • Bello, Silvestre III H. (Lakas) • Biazon, Rozanno Rufino B. (LP) • Revilla, Ramon “Bong" B. (Lakas) • Caunan, Henry B. (PDP-Laban) • Cayetano, Pilar Juliana US. (NP) • David, Rizalito Y. (Ang Kapatiran) • De Venecia, Jose III P. (PMP) • Defensor-Santiago, Miriam P.(People’s Reform Party) • Drilon, Franklin M. (LP) • Enrile, Juan Ponce (PMP) • Estrada, Jinggoy E. (PMP) • Guico, Ramon, Jr. N. (Lakas) • Guingona, Teofisto III D. (LP) • Imbong, Jo Aurea M. (Ang Kapatiran) • Incencio, Ma. Katherine Luningning R. (Bangon Pilipinas) • Lacson, Alexander L. (LP) • Lambino, Raul L. (Lakas) • Langit, Rey M. (Lakas) • Lao, Yasmin B. (LP) • Lapid, Manuel M. (Lakas) • Lood, Alma A. (KBL) • Lozada, Jose Apolinario Jr. L (PMP) • Maambong, Regalado E. (KBL) • Marcos, Ferdinand Jr. R. (NP) • Maza, Liza L. (Independent) • Millora, Ma. Judea G. (KBL) • Mitra, Ramon B. (NP) • Ocampo, Ramoncito P. (Bangong Pilipinas) • Ocampo, Saturnino C. (Bayan Muna) • Ople, Susan V. (NP) • Osmeña, Sergio III D. (Independent) • Palparan, Jovito Jr. S. (Independent) • Papin, Imelda A. (KBL) • Paredes, Zosimo Jesus II M. (Ang Kapatiran) • Pimentel, Gwendolyn D. (PDP-Laban) • Plaza, Rodolfo Rodrigo g. (NPC) • Princesa, Reynaldo R. (Bangon Pilipinas) • Querubin, Ariel O. (NP) • Recto, Ralph G. (LP) • Remulla, Gilbert Cesar C. (NP) • Riñoza-Plazo, Maria Gracia DV. (Ang Kapatiran) • Roco, Sonia M. (LP) • Sison, Adrian O. (Ang Kapatiran) • Sotto, Vicente III C. (NPC) • Tamano, Adel A. (NP) • Tamayo, Reginald B. (Ang Kapatiran) • Tarrazona, Hector M. (Ang Kapatiran) • Tatad, Francisco S. (Grand Alliance for Democracy) • Tinsay, Alexander B. (Ang Kapatiran) • Valdehuesa, Manuel Jr. E. (Ang Kapatiran) • Villanueva, Hector L. (KBL) • Virgines, Israel N. (Bangon Pilipinas) Hindi naman panggulo Ayon kay Melo, hindi maituturing nuisance o “panggulo" ang mga kandidatong hindi pinayagan ng komisyon na tumakbo sa darating na halalan. Batay sa Comelec Resolution No. 8678, inilarawan ang nuisance candidate na, “put(s) the election process in mockery or disrepute," “cause(s) confusion among the voters by the similarity of names of registered candidates," o “has no bona fide intention to run for the office." “Most of them have well intentions but have no financial networking systems," paliwanag ni Melo. Idinagdag naman ni Comelec Commissioner Rene Sarmiento na pinagbatayan din nila ang kakayanan ng isang kandidato na maglunsad ng kampanya sa buong bansa. Samantala, ipapa-raffle naman umano sa Comelec ang mga disqualification cases na ihahain sa isang kandidato. Sa ngayon, ang mga presidential candidates na nahaharap sa diskuwalipikasyon ay sina Aquino, Estrada, Teodoro, at Villar. Isasama pa rin umano sa balota ang pangalan ng mga kandidatong nahaharap sa diskuwalipikasyon hanggat walang pinal na desisyon na inilalabas ang Korte Suprema tungkol sa kanilang kaso. Inaasahan na sisimulan ang pag-imprenta sa mga balota sa Enero 7. “Expectedly, the SC will not be able to come out with a decision by that time," ayon kay Melo. – GMANews.TV