Puwersa ng OFWs hiniling ipakita sa darating na May elections
01/05/2010 | 08:19 PM
JEDDAH, Saudi Arabia – Ang darating na halalan sa Mayo ang maganda umanong opurtunidad para maipakita ang puwersa ng mga overseas Filipino workers (OFWs) at kanilang pamilya na kayang maghalal ng kandidato sa pambansang posisyon – partikular sa Senado.
Ito ang inihayag ni Rudy Dianalan matapos maglabas ng hinanakit tungkol sa hindi umano magandang komento na nakuha sa isang political strategist ng isang partido nang umuwi siya sa Pilipinas.
Umuwi sa Pilipinas si Dianalan kamakailan para isumite ang kanyang apela sa Commission on Elections matapos idiskuwalipika ang kanyang kandidatura bilang senador.
“Hindi raw kayang impluwensyahan ng boto ng mga OFW ang darating na eleksyon, sabi sa akin ng isang political strategist," sumbong ni Dianalan nang bumalik sa Saudi Arabia kung saan ito nagtatrabaho.
Kuwento ni Dianalan, pumunta siya sa headquarters ng isang kilalang political party para alamin ang tugon sa ipinadala nilang mungkahi sa partido na maglagay ng isang kandidato na kakatawan sa sektor ng migranteng manggagawa sa senatorial line-up.
Ngunit nagulat umano siya nang sabihin ng isang political strategist ng partido na hindi nararamdaman sa halalan ang boto ng mga OFW.
“Nagulat ako sa kanyang sinabi, hindi ko inakala ang kanilang saloobin hinggil sa mga OFW…Marami tayong mga lider sa iba’t-ibang panig ng mundo ang kayang nagmobilisa para magkaroon ng representasyon sa Senado," dismayadong pahayag ni Dianalan.
Ang naturang balita ni Dianalan ay umani ng sari-saring reaksiyon sa mga lider ng ibat-ibang organisasyon ng mga Filipino sa Saudi.
Itinuturing ni Rizaldy Javing, ng Circulo Illong (Saudi Arabia), isang malaking insulto sa mga migranteng manggagawa ang naturang pananaw sa boto ng mga OFW na tila nais palitawin na hindi nagkakaisa ang sektor.
Inihayag naman ni Corlito Obtinalla, tagapangulo ng Order of Knights of Rizal sa Jeddah, na malaking hamon ngayon sa mga OFW ang darating na halalan sa Pilipinas.
Idinagdag ni Jauhari Usman ng Ang Ating Gabay OFW, na masakit pakinggan ang negatibong pananaw tungkol sa pagkakaisa ng mga OFW at kanilang pamilya.
Batay umano sa ulat ng Economic Resource Center for Overseas Filipino (ERCOF), kung magkakaisa ang tinatayang 10 milyong OFWs – na mayroong limang miyembro sa bawat pamilya – kaya nitong magpanalo ng kandidato sa taglay na 50 milyong boto.
Ngunit batay sa talaan ng Comelec halos umabot lamang sa 600,000 ang bilang ng mga OFW na nagpatala sa overseas absentee voting (OAV) para makaboto sa Mayo kahit nasa labas sila ng Pilipinas.
“Umaapela ako sa ating mga kababayan na nagtatrabaho sa iba’t-ibang panig ng mundo na huwag tayong paapi at huwag hayaang maliitin ang ating kakayahan. Ihahalintulad ko ang OFW sa isang tingting na kung isa-isa lang ay hindi makakayang maglinis, ngunit kung magbibigkis ay kayang walisin ang lahat ng dumi lalo na ang mga katiwalian na nagpapahirap sa ating bansa," panawagan ni Dianalan.– Ronaldo Z. Concha, GMANews.TV
Ito ang inihayag ni Rudy Dianalan matapos maglabas ng hinanakit tungkol sa hindi umano magandang komento na nakuha sa isang political strategist ng isang partido nang umuwi siya sa Pilipinas.
Umuwi sa Pilipinas si Dianalan kamakailan para isumite ang kanyang apela sa Commission on Elections matapos idiskuwalipika ang kanyang kandidatura bilang senador.
“Hindi raw kayang impluwensyahan ng boto ng mga OFW ang darating na eleksyon, sabi sa akin ng isang political strategist," sumbong ni Dianalan nang bumalik sa Saudi Arabia kung saan ito nagtatrabaho.
Kuwento ni Dianalan, pumunta siya sa headquarters ng isang kilalang political party para alamin ang tugon sa ipinadala nilang mungkahi sa partido na maglagay ng isang kandidato na kakatawan sa sektor ng migranteng manggagawa sa senatorial line-up.
Ngunit nagulat umano siya nang sabihin ng isang political strategist ng partido na hindi nararamdaman sa halalan ang boto ng mga OFW.
“Nagulat ako sa kanyang sinabi, hindi ko inakala ang kanilang saloobin hinggil sa mga OFW…Marami tayong mga lider sa iba’t-ibang panig ng mundo ang kayang nagmobilisa para magkaroon ng representasyon sa Senado," dismayadong pahayag ni Dianalan.
Ang naturang balita ni Dianalan ay umani ng sari-saring reaksiyon sa mga lider ng ibat-ibang organisasyon ng mga Filipino sa Saudi.
Itinuturing ni Rizaldy Javing, ng Circulo Illong (Saudi Arabia), isang malaking insulto sa mga migranteng manggagawa ang naturang pananaw sa boto ng mga OFW na tila nais palitawin na hindi nagkakaisa ang sektor.
Inihayag naman ni Corlito Obtinalla, tagapangulo ng Order of Knights of Rizal sa Jeddah, na malaking hamon ngayon sa mga OFW ang darating na halalan sa Pilipinas.
Idinagdag ni Jauhari Usman ng Ang Ating Gabay OFW, na masakit pakinggan ang negatibong pananaw tungkol sa pagkakaisa ng mga OFW at kanilang pamilya.
Batay umano sa ulat ng Economic Resource Center for Overseas Filipino (ERCOF), kung magkakaisa ang tinatayang 10 milyong OFWs – na mayroong limang miyembro sa bawat pamilya – kaya nitong magpanalo ng kandidato sa taglay na 50 milyong boto.
Ngunit batay sa talaan ng Comelec halos umabot lamang sa 600,000 ang bilang ng mga OFW na nagpatala sa overseas absentee voting (OAV) para makaboto sa Mayo kahit nasa labas sila ng Pilipinas.
“Umaapela ako sa ating mga kababayan na nagtatrabaho sa iba’t-ibang panig ng mundo na huwag tayong paapi at huwag hayaang maliitin ang ating kakayahan. Ihahalintulad ko ang OFW sa isang tingting na kung isa-isa lang ay hindi makakayang maglinis, ngunit kung magbibigkis ay kayang walisin ang lahat ng dumi lalo na ang mga katiwalian na nagpapahirap sa ating bansa," panawagan ni Dianalan.– Ronaldo Z. Concha, GMANews.TV
