Filtered by: Topstories
News

Comelec Cebu: Mga mayor nga mosupak sa gun ban dakpon


Kadagkuan sa Commission on Elections (Comelec) mipasabot nga mamahimong dakpon ang mga mayor nga magdala og armas de fuego kun magsugod na ang pagpatuman sa election gun ban. Kun ang Comelec maoy pasultion, ang mga law enforcer ra gyod ang gitugutan nga makadala og armas panahon sa pagpatuman sa gun ban. Iyang gisupak ang panahom ni Mayor Tomas Osmeña nga illegal ang pag-apil sa mga mayor sa ipatuman sa gun ban. Awhag ni Atty Marchel Sarno, election officer sa Cebu City South District, way pilion ang mga pulis nga mga tawo, basta makasupak sa balaod kinahanglan gyod nga dakpon. Dugang ni Atty Sarno nga angayan usab nga magmatngon ang mga pulis sa pagpahigayon og mga checkpoints. Bahad ni Sarno nga kasuhan ang mga pulis nga mopahigayon og checkpoints nga way pananghid sa mga election officer. Pasabot sa Comelec nga tanang kalihukan sa kapulisan labi na sa mga checkpoint panahon sa gun ban kinahanglan gyod nga mahibawo ang ilang buhatan. - Balitang Bisdak

Tags: comelec, gunban
Find out your candidates' profile
Find the latest news
Find out individual candidate platforms
Choose your candidates and print out your selection.
Voter Demographics