Filtered by: Topstories
News

Administration lawmakers ‘nakigtagbo’ kang Villar sa Sugbo


Mga kongresista nga kaalyado sa administrasyon giingong nakigtabo kang Senador Manny Villar niadtong Miyerkules dinhi sa Sugbo. Lakip sa gianhi sa senador sa sugbo mao ang pakig-alayon sa Kusug Party. Dunay gipahigayon nga closed-door meeting si Villar sa local candidates sa Nacionalista Party. Lakip na niini ang mga mayor sa unang distrito sa lalawigan sa Sugbo. Pero ang nakapakurat kay dunay upat ka mga kongresista nga ubos sa administration party Lakas-Kampi-CMD nga nakigtagbo usab ni Villar. Wa hinoon ilimod ni Villar nga nakigtagbo siya sa maong mga kongresista nga sakop sa One Cebu Party. Pero giklaro ni Villar nga wa pa sila maghisgot bahin sa suporta sa maong mga kongresista. Gawas sa closed-door meeting, pormal nga gipirmahan sa Kusug Party ug Villar ang ilang pakig-alayon. Si kanhi mayor Alvin Garcia, Kapitan Mary Ann delos Santos ug Atan Guardo maoy nangulo sa Kusug Party. Giklaro sa ilang grupo nga ang suporta nila kang Villar dili tungod sa financial support. — Balitang Bisdak

LOADING CONTENT