Kapuso stars in FHM's 100 sexiest women of 2010

Inilabas na ng FHM magazine ang listahan ng 100 Sexiest Women in the World para sa 2010 kung saan anim sa top 10 list ay mga Kapuso star. Nanguna sa isinagawang on-line voting ng FHM si Angel Locsin. Habang ang Victoria's Secret model na si Marissa Miller naman ang hinirang na FHM global winner. Pumangalawa naman sa sexiest Pinay si Cristine Reyes, habang pangatlo ang Primetime Queen at Endless Love star na si Marian Rivera. Masaya naman si Iwa Moto na nasa pang-apat na puwesto na sinundan ni Angelica Panganiban. “Siyempre happy kasi every year tumataas yung rank ko kahit paisa-isa at least I’m getting there," ayon kay Iwa sa Chika Minute ng GMA news 24 Oras nitong Huwebes.
For the latest Philippine news stories and videos, visit GMANews.TV Nasa 6th place naman ang dating number one sexiest na si Katrina Halili at sinundan ng isa pang Kapuso star na si Regine Velasquez. Pang-walo si Valerie "Bangs" Garcia, na naging ka-back-to-back cover ni Iwa sa isang special edition ng FHM. Pasok din sa top 10 sina Ehra Madrigal at Jackie Rice. “Sobrang nakakagulat kasi karamihan na nag-stay pa rin meron silang recent cover sa FHM, so nakakatuwa na last cover ko 2008," ayon kay Ehra. Ilan pa sa mga Kapuso stars na nasa listahan ng 100 Sexiest Women ng magazine ay sina Jennylyn Mercado, Heart Evangelista, Bianca King, Carla Abellana, Rhian Ramos, at Lovi Poe. - FRJimenez, GMANews.TV