Filtered By: Topstories
News
Arroyo puwedeng ‘di tumestigo laban sa dating opisyal na si Neri
MANILA â Nabigo ang government prosecution na makuhang testigo si dating Pangulong Gloria Macapagal-Arroyo sa kasong katiwalian na isinampa kay dating Social Security System (SSS) chief Romulo Neri, kaugnay sa ibinasurang $329-milyong national broadband network (NBN) project. Sa apat na pahinang desisyon na ipinalabas ng Sandiganbayan Forth Division, kinatigan nina Associate Justices Napoleon E. Inoturan, Alex L. Quiroz and Roland B. Jurado, ang posisyon ni Atty Estelito Mendoza, abogado ni Arroyo, na hindi maaaring obligahin ang kanyang kliyente na tumayong tumestigo sa kaso. Iginiit ni Mendoza na karapatan ni Arroyo, kongresista na ngayon ng Pampanga, na manatiling tahimik dahil mayroon din itong kasong kinakaharap sa korte kaugnay din sa NBN project. âIt is clear that the movant (Arroyo) is being investigated on matters related to the NBN-ZTE deal. There is no question that movant is being accused of having committed illegal acts in connection with the NBN-ZTE deal, and that these illegal acts are subject of investigation in different venues. Wherefore, for being meritorious, the âMotion to Quash Subpoena Issued on Gloria Macapagal-Arroyoâ dated October 7, 2010 is hereby granted," nakasaad sa desisyon ng korte. Ang desisyon ay kaugnay sa reklamong inihain nina University of the Philippines Law professor Harry Roque at Bayan Muna Rep. Teddy Casiño at the Department of Justice (DoJ). Iginiit ng korte na ang âright to keep silence" ni Gng Arroyo ay ginagarantiyahan sa ilalim ng Article III, Section 12 (1) ng Saligang Batas ng bansa: âAs aptly asserted by movant, through counsel, in her memorandum, to which the Court agrees, â¦âThere is no question that movant Gloria Macapagal-Arroyo is, for all intents and purposes, an âaccused" person, accused of illegal acts in connection with the NBN-ZTE deal. Her right to remain silent, in any venue, is absolute, and this cannot be taken against herâ¦," paliwanag sa desisyon ng korte. Una rito, iginiit ni acting deputy special prosecutor John I. C. Turalba, pinuno ng prosecution panel, na mahalaga ang magiging testimonya ni Gng Arroyo upang malaman ang lawak ng naging partisipasyon ni Neri sa kontrobersiyal na proyekto. Bukod kay Arroyo, inilista ng prosekusyon bilang testigo laban kay Neri sina Rodolfo âJun" Lozada, at negosyanteng si Joey de Venecia III. Sa isinagawang pagdinig noon sa Senado tungkol sa NBN project, inakusahan ni Neri na inalok siya ni dating Commission on Elections chairman Benjamin Abalos ng â200" kapalit ng pagpayag niya sa proyekto na mapupunta sa Zhong Xing Telecommunications Equipment (ZTE) ng China. (Basahin: Neri pinanindigan ang testimonya sa Senado tungkol sa alok na â200â ni Abalos) Ang naturang akusasyon ay pinabulaanan ni Abalos, na nahaharap din sa hiwalay na kasong katiwalian sa Sandiganbayan tungkol sa naturang proyekto. - GMANews.TV
More Videos
Most Popular