Akihiro Sato is the first 'Celebrity Sole Survivor'

Ang tinaguriang “Mr Nice Guy" sa isla na si Akihiro Sato ang tinanghal na kauna-unahang Celebrity Sole Survivor sa hit reality television series na Survivor Philippines Celebrity Showdown. Ang Live finale ng Survivor Philippines ay napanood sa GMA 7 at pinangunahan ng host na si Richard Gutierrez. Nakalaban ni Akihiro sa titulong first Celebrity Sole Survivor at P3 million cash prize sina Ervic “The Power Player" Vijandre at Solenn “Ang Diwata ng Isla" Heussaff. Una rito, napatalsik sa huling botohan ng Tribal Council si Aubrey “Ang Pasimuno" Miles. Dahil sa pagkakaalis, si Aubrey ang maging ika-pito at huling miyembro ng Jury na siyang pumili ng nanalong Sole Celebrity Survivor. Personal na binati ni Atty Felipe L. Gozon, GMA Network chairman, president and CEO, si Akihiro at iniabot ang naging premyo nito. Naging makapigil-hininga ang pagbilang ni Richard sa mga boto ng Jury dahil pawang nakakuha ng tig-dalawang boto sina Akihiro, Solenn at Ervic – at nalaman lang ang first Sole Celebrity Survivor sa ika-pito at huling boto na binilang. Sa nakaraang iGMA Live Chat sa Top 4, inihayag ng Brazilian-Japanese model-turned-actor na si Akihiro kung bakit siya ang dapat na manalo. “ I joined Survivor because I want to believe in myself and just have fun. I want to show the audience the true me. I don’t care about the game or what people will think about me. I care about this, the heart. Everyone is coming to me saying ‘if you will not win in Survivor, at least you showed the people right things. So my point from the very beginning is to show the people that we can play this game, like a clean fight. You don't need to be the same with the other Survivor seasons or shows before because this edition is a celebrity showdown, so let's make it something different for the people to watch and learn something good," paliwanag niya. Ang 18 celebrity castaways ay 39 na araw na nanatili sa isang isla sa Thailand. Ang iba pang castaways ay sina StarStruck V Avenger Princess Snell; actress Karen delos Reyes; model Solenn Heussaff; Sexbomb member Aira Bermudez; Aubrey Miles; Bubble Gang cast member Mykah Flores; actress Michelle Madrigal; actor’s personal assistant Moi Marcampo; at long-jump queen Elma Muros. Kasama rin sina TV teen host na si Mico Aytona; Parokya ni Edgar bassist Buwi Meneses; comedian Pretty Trisha; StarStruck V Avenger Ian Batherson; actor Ahron Villena; Born To Be Wild host Doc Ferds Recio; at model Jon Hall.
For the latest Philippine news stories and videos, visit GMANews.TV Last Jury member Bago ang pagpili ng Sole Celebrity Survivor, binilang muna ni Richard ang resulta ng botohan sa huling Tribal Council kung saan pipili ng huling patatalsikin sa Top 4 na sina Akihiro, Aubrey, Solenn at Ervic, upang maging huli at pang-pitong miyembro ng Jury. Ang unang anim na miyembro ng Jury ay sina Jon, Michelle, Aira, Moi, Elma, at Ahron. Sa unang pagbilang ng mga boto, kapwa nakakuha ng tig-dalawang boto sina Solenn at Ervic, habang tig-tatlong boto naman sina Aubrey at Akihiro. Dahil dito, nagkaroon ng panibagong botohan kung saan ang naging resulta ay pagpapatalsik kay Aubrey. FRJimenez, GMANews.TV