Kilala niyo ba kung sino ang broadcast journalist na nanalong Best Director sa Metro Manila Film Festival (MMFF) na ginagawa taun-taon? First directorial job ng GMA News reporter na si Cesar Apolinario ang pelikulang
Banal nang manalo siya sa nabanggit na kategorya sa MMFF noong 2007. Nasungkit din ng
Banal ang parangal bilang Best Original Story. Si Apolinario ay nagtapos ng kursong AB in Mass Communication sa University of Santo Tomas. Bukod sa
Banal, nagawa rin ni Apolinario ang
Estasyon at
Puntod. Tinanghal si Apolinario bilang Best Director for Digital Films ng PMPC Star Awards for Movies nitong 2010 para sa
Puntod, na nanalo rin na Best Digital Films. Samantala, sa 2007 MMFF, nakuha ni Sen Jinggoy Estrada ang Best Actor trophy para sa pelikulang
Katas ng Saudi, na itinanghal din bilang Best Screenplay. Si Maricel Soriano ang tinanghal na Best Actress sa pelikulang
Bahay-Kubo. Best Supporting Actress naman si Eugene Domingo (
Bahay Kubo), at si Roi Vinzons ang Best Supporting Actor (
Resiklo). Ang Gatpuno Antonio Villegas Cultural Award ay ibinigay sa
Bahay Kubo at
Katas ng Saudi. -
FRJimenez, GMANews.TV