Enrile may payo kapag pinauwi sa Pinas ang mga OFW sa Taiwan

MANILA – Inihayag ni Senate President Juan Ponce Enrile na hindi kailangang humingi ng paumanhin ang Pilipinas sa Taiwan dahil sa ginawang pagpapatapon ng ilang Taiwanese sa bansang China. Paliwanag ni Enrile nitng Huwebes, walang diplomatikong relasyon ang Maynila sa Taipei, bukod pa sa pinapairal ng Pilipinas ang ‘One China Policy." “Well, we maintain a One China Policy and I think the Philippine government is correct. If we are going to deport anybody, then we have to deport him to the country that we consider to be the political entity representing a group of people like the Chinese," ayon sa lider ng Senado. Ang pahayag ay ginawa ni Enrile bilang depensa sa pamahalaan ng Pilipinas matapos umani ng batikos at akusahang walang pagpapahalaga sa mga Overseas Filipino Workers (OFWs) na nasa Taiwan na maaaring mawalan ng trabaho dulot ng ginawang pagpapadeport sa China ng 14 na Taiwanese – kasama ang 10 Chinese - na nasangkot sa investment scam.
For the latest Philippine news stories and videos, visit GMANews.TV Kamakailan ay hiniling ni Special representative Donald C.T. Lee ng Taiwan Economic and Cultural Office (TECO), na humingi ng paumanhin ang pamahalaang Aquino sa ginawang pagpapadeport ng mga Taiwanese sa China. Ngunit para kay Enrile, tama ang ginawang paghawak ng pamahalaang Aquino sa naturang usapin ng mga Taiwanese. Base umano sa international law, tanging ang China lamang ang kinikilalang bansa na kumakatawan sa mga mamamayang Tsino. Ito ay sa kabila na mayroong economic offices ang dalawang Taipe at Manila. “It is regrettable that some of these nationals of Taiwan happen to commit infractions of our laws and we could not possibly openly and officially deport them to Taiwan because we have no open formal diplomatic relations with an entity called Taiwan.," ayon sa senador. Dagdag pa ni Enrile:“For economic reasons, we establish some kind of liaison offices in their country and in our country for them. But from a political international law viewpoint, we recognize only one entity, Chinese entity, political entity that represents the Chinese people and that is the People’s Republic of China. We’ve maintained friendship with Taiwan. Not as a state within the concept of international law." Sakaling pauwiin umano ng Taiwan ang mga Pinoy na nasa kanilang lugar, maaari naman umanong paalisin ang mga Taiwanese na nasa Pilipinas. “We do not. So be it. We are not living in a perfect world. They can all drive our people back to the Philippines and we will also drive their people out of the Philippines," pahayag ni Enrile. - GMA News