Azkals vs. CPU, gindagsa sang mga Ilonggo

Todo ang paghinugyaw sang mga Ilonggo nga nagdugok sa Barotac Nuevo football field sang Martes sa masadya nga hampang sang Azkals, ang Philippine football team, kag sang Central Philippine University (CPU) selection team nga ginbug-usan sang Korean students. Tuman ka ma-aksiyon ang hampang. Una nakapasulod ang CPU International sa first half. Sa ikaduha nga half nakapasulod sa goal sang CPU ang Azkals gani nangin patas ang hampang. Nagbira-bira man hampang ang pride sang Iloilo kag mismo sang Barotac Nuevo nga si Chieffy Caligdong kag si Ian Araneta. Magluwas sa practice game, nagapangita man ang Azkals sang bag-o nga mga miyembro para ma-amat-amat puno sang full-blooded Pinoy ang line-up kay man subong halos tunga gid ang mga half-Filipino. Na-inspire naman ang mga Ilonggo ilabi na ang mga taga-Barotac Nuevo, ang ginakabig “football capital" sa pungsod, nga magpasingki pa gid sang ila sports program sa pag-develop sang bag-o nga football stars. Tuman naman pagpasalamat ni Caligdong sa pagsuporta sang iya mga kasimanwa sa Azkals. Ginbilin sini nga mensahe nga magpadayon ang mga Ilonggo sa paghampang sang football kay basis a ulihi sila pa ang magpakampeyon sang Azkals. RJS/GMA News Iloilo