Filtered By: Showbiz
Showbiz

Geneva Cruz is sexiest vegetarian in the PHL


Philippines' Sexiest Vegetarian Celebrity for 2011
Ang singer/actress na si Geneva Cruz ang idineklarang Philippines' Sexiest Vegetarian Celebrity for 2011. Batay ito sa resulta ng isinagawang online voting na tumagal ng isang buwan sa website ng People for the Ethical Treatment of Animals (PETA). Sa isang pahayag nitong Huwebes, sinabi ng PETA, na ang singer/TV personality na si Lougee Basabas, ang naging pinakamahigpit na nakalaban ni Geneva sa isinagawang botohan sa PETAAsiaPacific.com. Ang iba pang naging nominado sa titulo ay sina Yasmien Kurdi, Chin-Chin Gutierrez, Alicia Mayer, at Raymond Bagatsing. Kasama rin sa listahan ang mga international stars na sina Natalie Portman, Hayden Panettiere, Russell Brand, at Leona Lewis. Nagsimula umanong maging vegetarian si Geneva sa edad na 15. Sinasabing nagdesisyon ang actress-singer na itigil ang pagkain ng karne ng hayop nang makasalamuha nito ang ilang hayop habang nagsho-shooting para sa isang shampoo commercial.
Lougee Basabas, dating Eat Bulaga host
"[We] were in this location in Palawan where all the animals were just roaming free. All I had to do was feed one of them and say, 'Natural!' We kept doing that, take after take. … I couldn't take it anymore. Not after that," kuwento ni Geneva. "For me, being vegan is not about the diet. It's really about my love for all creatures," dagdag niya sa pahayag. Unang nakilala si Geneva bilang miyembro ng binuwag na pop group na Smokey Mountain. Isa sa mga pinasikat niyang awitin ay 'I Like You' at 'Anak ng Pasig.' "There's no easier way to put passion in your life than to put compassion in your diet," ayon kay PETA Asia Vice-President of International Operations Jason Baker. Dagdag niya, “Geneva knows that going vegetarian is the best thing that you can do for animals, the Earth, and your health. Plus, she's living proof that being vegan keeps you slim and sexy." - FRJ, GMA News
LOADING CONTENT