Mambabatas naniniwalang hindi gagamit ng dahas ang China

MANILA – Naniniwala ng isang kongresista na hindi gagamit ng dahas ang People’s Republic of China para resolbahin ang usapin sa pinag-aagawang Spratly Group of Islands. “From my understanding, Chinese officials want a peaceful resolution of the disputed islands. But without the participation of countries, I supposed the United States, which has no claim in the controversial Spratlys," ayon kay Citizens Battle Against Corruption (Cibac) party-list Rep. Sherwin Tugna. Si Tugma ay kabilang sa delegasyon ng mga mambabatas ng Kamara de Representantes na bumisita sa China kamakailan. Kasama sa grupo sina Speaker Feliciano Belmonte, Reps Elpidio Barzaga (Cavite), Victor Ortega (La Union), Joey Zubiri (Bukidnon), Victor Yu (Zamboanga del Sur) at Tomas Apacible (Batangas). Nandoon din umano si Wu Bangguo, ang chairman ng Standing Committee of the National People’s Congress of China.
For the latest Philippine news stories and videos, visit GMANews.TV Ngunit nilinaw ni Tugna na personal na obserbasyon lamang niya bilang bahagi ng delegasyon na paniwala na walang balak makidigma ang China dahil sa pinag-aagawang mga isla na pinapaniwalaang mayaman sa mina ng langis. “He (Wu) emphasized the importance of resolving the controversy through peaceful avenues," pahayag ni Tugna. Kasalukuyang nagsasagawa ng military exercises ang Pilipinas at United States malapit sa pinag-aagawang karagatan ng West Philippine Sea (o South China Sea), partikular sa bahagi ng Palawan. "We will also hold anti-piracy and anti-smuggling exercises and test the interoperability and readiness of the two navies in responding to various scenarios, such as security, disaster and humanitarian assistance," pahayag kamakailan ni Lieutenant Noel Cadigal ng Philippine Navy sa Reuters. Iminungkahi naman ni Bayan Muna Rep. Teodoro Casiño sa liderato ng Kamara na imbitahan sa Kongreso si Chinese ambassador Liu Jianchao para matalakay ang paghanap ng mapayapang resolusyon sa usapin ng Spratlys. - GMA News