Pahimangno gikan sa FDA: Pagbantay sa peke nga tambal

Nagpahimangno ang Food and Drugs Administration (FDA) sa publiko nga magbinantayon sa pagpalit ug tambal aron malikayan nga mabiktima sa counterfeit drugs subay sa pagsaulog sa National Consciousness Week Against Counterfeit Drugs. Matud ni Elizabeth Tabasa, Head sa Licensing Regulation and Enforcement Division sa DOH-7 nga lakip sa angay likayan mao ang mga gibaligya nga tambal nga wala o may kadudahang label. “Dili siya pareha dayon dali ra ma-erase, dili klaro unya nay mga foreign markings" matud pa ni Tabasa. Matud usab ni FDA-7 Officer Grace Cardona, dili masayran kung mini ba jud ang mga tambal hangtud nga dili kini mapadala didto sa kauluhan aron sa usa ka laboratory analysis. Diri sa Cebu, wala pa’y natala ang FDA nga kaso sa mga gipamaligya nga mga mini nga tambal. — GMA Cebu