Southeast Asia binuksan para sa mga Pinoy nurse
01/11/2007 | 07:54 PM
May bagong oportunidad para sa mga Filipino nurse na nais makapagtrabaho sa ibang bansa.
Iniulat ng GMA-7’s “24 Oras" nitong Huwebes na nilagdaan na ang Mutual Recognition Agreement for Nurses Service sa Association of Southeast Asian Nations (Asean).
Ang naturang kasunduan ay magbibigay ng pagkakataon sa mga registered Pinoy nurse na makapagtrabaho sa alin mang sa 10 bansa na miyembro ng Asean.
Sa mga kasaping bansa, ang Singapore at Malaysia ang mayroong malaking pangangailangan sa mga nurse.
Ngunit hindi naman garantisado na ang sahod na makukuha sa Souheast Asian countries ay katulad ng pasahod sa mga nurses sa Amerika at Europa na karaniwang nasa P100,000 hanggang P150,000 kada-buwan.
Nakasaad sa kasunduan na kailangan munang magtrabaho sa Pilipinas nang hindi bababa sa tatlong taon ang isang Pinoy nurse bago ito makapag-apply sa ibang bansa sa Asya.
Inihayag naman ng Department of Trade and Industry (DTI) na hindi pa kaagad maipatutupad ang kasunduan dahil kailangan pa munang plantsahin ng mga bansa sa Asean ang sistema sa pagpoproseso ng mga nurse upang matiyak na may kakayahan silang protektahan ang mga pasyente sa kani-kanilang bansa.
Hindi na kailangang kumuha at maipasa ng aplikante ang anumang licensure exam para makapagtrabaho sa katabing bansa sa Asean.
Ang naturang balita ay ikinatuwa naman ng ilang nurse sa bansa dahil nagpapakita ito sa kakayahan ng mga Pinoy nurse na magkaloob ng dekalidad na pag-aaruga sa mga pasyente, hindi lang sa Asia kundi sa buong mundo.--GMANews.TV
Iniulat ng GMA-7’s “24 Oras" nitong Huwebes na nilagdaan na ang Mutual Recognition Agreement for Nurses Service sa Association of Southeast Asian Nations (Asean).
Ang naturang kasunduan ay magbibigay ng pagkakataon sa mga registered Pinoy nurse na makapagtrabaho sa alin mang sa 10 bansa na miyembro ng Asean.
Sa mga kasaping bansa, ang Singapore at Malaysia ang mayroong malaking pangangailangan sa mga nurse.
Ngunit hindi naman garantisado na ang sahod na makukuha sa Souheast Asian countries ay katulad ng pasahod sa mga nurses sa Amerika at Europa na karaniwang nasa P100,000 hanggang P150,000 kada-buwan.
Nakasaad sa kasunduan na kailangan munang magtrabaho sa Pilipinas nang hindi bababa sa tatlong taon ang isang Pinoy nurse bago ito makapag-apply sa ibang bansa sa Asya.
Inihayag naman ng Department of Trade and Industry (DTI) na hindi pa kaagad maipatutupad ang kasunduan dahil kailangan pa munang plantsahin ng mga bansa sa Asean ang sistema sa pagpoproseso ng mga nurse upang matiyak na may kakayahan silang protektahan ang mga pasyente sa kani-kanilang bansa.
Hindi na kailangang kumuha at maipasa ng aplikante ang anumang licensure exam para makapagtrabaho sa katabing bansa sa Asean.
Ang naturang balita ay ikinatuwa naman ng ilang nurse sa bansa dahil nagpapakita ito sa kakayahan ng mga Pinoy nurse na magkaloob ng dekalidad na pag-aaruga sa mga pasyente, hindi lang sa Asia kundi sa buong mundo.--GMANews.TV
