PEP: Mat Ranillo III mad at daughter Krista for Paupahan

Specific ang direct quote ni Krista Ranillo on how she feels her famous father, ‘70s matinee idol Mat Ranillo III, would react about her launching movie, Paupahan. And we quote again: "Si Daddy, hindi niya nabasa yung script. Hindi niya pa rin napapanood ang movie, but I'm confident naman na magugustuhan niya ito. Pero siguro sa una mabibigla siya kasi hindi siya sanay na ganoon yung role ko and yung dialogues. But I know he will be supportive pa rin." It turns out daddy is not that supportive and obviously, hindi rin niya ito nagustuhan. Pagkatapos kasing ma-post ang first item namin about this dito sa PEP (Philippine Entertainment Portal) kahapon, June 3, tumawag agad sa amin ang co-producer and scriptwriter of the movie na si Dennis Evangelista. Tinawagan daw siya ni Krista na nag-iiyak, galit ang daddy niya sa kanya. A friend of her father's read the PEP article and saw the picture and immediately notified Mat, who was shocked at his daughter's sexy pictorial. Ang request ni Krista kay Dennis, i-tone down ang sexy slant ng movie and kung puwede, huwag nang ilabas ang iba pang sexy pictures niya. Sagot naman daw ni Dennis, it's a sexy movie and she knew this when she accepted the role. Sana raw, na-consult muna ni Krista ang kanyang ama before she agreed doing the movie. Hindi naman siguro ikahihiya ni Krista ang pelikula dahil it was approved without cuts ng MTRCB (Movie and Television Review and Classification Board) and was even given an R-13 rating. ‘Tapos, naka-B pa ang pelikula sa Cinema Evaluation Board. Sa parte ng boyfriend ni Krista na si Direk Dominic Zapata, okay naman daw ang ginawa ni Krista and supportive pa rin ito. - Philippine Entertainment Portal