Villar tiwala na hindi papasok sa giyera ang China dahil sa Spratly Islands

MANILA – Kumpiyansa si Sen Manny Villar na hindi papasok sa pakikidigma ang China dahil lamang sa pag-aagawan sa Spratly Islands sa West Philippine Sea o South China Sea. Sa pahayag ng senador, nakatala umano sa kasaysayan na mas kilala ang mga Chinese hindi bilang mananakop kundi bilang mga negosyante. (Basahin: Mambabatas naniniwalang hindi gagamit ng dahas ang China) “Throughout history, the Chinese have been known as traders. They look at us as a market for their products, and we should look at them the same way," pahayag ni Villar, chairman ng Senate committee on trade and commerce. Ilang tagamasid ang nababahala sa panibagong insidente ng pagpapakita ng presensiya ng China sa mga pinag-aagawang isla. Nakadagdag din sa tensiyon ang pagpapakita ng suporta ng United States sa kaalyado nitong Pilipinas. “The sea lanes of Indo-Pacific Asia are becoming more crowded, contested and vulnerable to armed strife. Naval and air forces are being strengthened amid shifting balances of economic strategic weight," bahagi ng ulat ng Lowly Institute, isang think tank na nakabase sa Australia. “China’s frictions with the United States, Japan and India are likely to persist and intensify. As the number and tempo of incidents increases, so does the likelihood that an episode will escalate to armed confrontation, diplomatic crisis or possibly even conflict," dagdag pa sa ulat. (Basahin: ANALYSIS: China's carrier will add to Asia tensions but no threat yet) Sa kabila ng tensiyon, tumulak patungong China nitong Huwebes si Foreign Affairs Sec Alberto del Rosario para sa isang opisyal na pagbisita para palakasin ang ugnayan ng dalawang bansa. Kasabay nito, iminungkahi ni Villar na makipag-ugnayan ang Pilipinas sa iba pang bansa na umaangkin sa Spratlys na magkasundo sa pagkakaroon ng iisang tawag sa kontrobersiyal na bahagi ng karagatan na pinapaniwalaang mayaman sa mina gaya ng langis. “I understand the government’s move to call the South China Sea as the West Philippine Sea. The Chinese name it Nansha while the Vietnamese refer to it as the East Sea. But, for the sake of peace in the region, I agree with the proposal to call it instead the Southeast Asian Sea. But this change of name should be a collective decision by all countries surrounding the sea," ayon sa senador. Iginiit din ni Villar ang pangangailangan na palakasin ang ekonomiya ng Pilipinas dahil ito umano ang susi para maipakita sa mundo ang katatagan ng bansa para makuha ang respeto ng mga dayuhan. Nanawagan din siya sa lahat ng mga Pilipino na magkaisa at suportahan ang posisyon ni Pangulong Benigno “Noynoy" Aquino III, sa usapin ng Spratlys. “Taking into account the various and often contrasting views over the Spratlys issue, I believe that all of us Filipinos should take a united stand and speak with one voice in support of our President’s stance on the issue," ayon kay Villar na nakalaban ni Aquino sa nakaraang May 2010 presidential elections. -- GMA News